Memleket basşysy Qasym-Jomart Toqaev Astana qalasynyŋ äkımı Jeŋıs Qasymbektı qabyldady. Būl turaly Aqorda jariialady, dep habarlaidy "Adyrna".
Belgılı bolǧandai, prezident Qasym-Jomart Toqaevqa elordanyŋ äleumettık-ekonomikalyq jäne infraqūrylymdyq damuy turaly mälımet berıldı.
«Astanada barlyq basty ekonomikalyq körsetkış boiynşa oŋ qarqyn baiqalady. Biylǧy tört aida negızgı kapitalǧa salynǧan investisiia kölemı 588 milliard teŋgenı qūrady. Būl byltyrǧy osy kezeŋmen salystyrǧanda 9,1 paiyz joǧary. Olardyŋ arasynda öŋdeu önerkäsıbı, bılım, medisina, kölık, sauda, logistika salalaryna qatysty jobalar bar. Al bügınde Astana LRT jeŋıl relstı kölık jelısı tolyq jūmys ıstep tūr. Elordanyŋ qoǧamdyq kölık jüiesın jandandyru maqsatynda jobanyŋ ekınşı kezeŋı pysyqtalyp otyr», – delıngen Aqordanyŋ habarlamasynda.
Qala basşysy prezidentke äleumettık nysandardyŋ qūrylysy, tūrǧyn üi alaptaryn körkeitu jönınde mälımet bergen. Jeŋıs Qasymbek soŋǧy jyldary Astanada 44 mektep salynǧanyn, al jaŋa oqu jylynda 12 bılım oşaǧy aşylatynyn, sol siiaqty 2 oquşylar saraiy men 6 balabaqşany el igılıgıne beru josparlanyp otyrǧanyn tılge tiek ettı.
«2028 jylǧa deiın 2 perinataldy ortalyq, köpbeiındı auruhana jäne diagnostikalyq keşennıŋ qūrylysy aiaqtalmaq. Qasym-Jomart Toqaevqa qalanyŋ injenerlık-kommunaldyq infraqūrylymy, Smart City jobasynyŋ ıske asyryluy turaly baiandaldy. 2026 jyly 173 aula men qoǧamdyq keŋıstıktı abattandyru, 1,1 million tüp jasyl jelek egu közdelgen», – delıngen habarlamada.
Kezdesu soŋynda Qasym-Jomart Toqaev Jeŋıs Qasymbektıŋ qyzmetıne oŋ baǧa berıp, Astanany odan ärı damytuǧa qatysty bırqatar tapsyrma berdı.
