Saualnamaǧa qatysqandardyŋ 70%-dan astamy eldıŋ dūrys baǧytta damyp kele jatqanyn aitady, dep habarlaidy "Adyrna" ūlttyq portaly.
Qoǧamdyq saiasat institutynyŋ zertteu nätijelerıne säikes, respondentterdıŋ 70%-dan astamy Qazaqstannyŋ dūrys baǧytta damyp kele jatqanyn atap ötken. Mūndai pıkır äsırese auyl tūrǧyndary (80,7%), 24 jasqa deiıngı jastar (78,9%) jäne äielder (72,2%) arasynda keŋ taralǧan.
Halyqtyŋ qazırgı saiasi jäne äleumettık-ekonomikalyq jaǧdaiǧa bergen baǧasy salystyrmaly türde bırşama ūstamdy optimizmdı körsetedı – säikesınşe 76,5% jäne 67%.
Būl nätijeler elde jürgızılıp jatqan reformalarǧa degen oŋ közqaraspen bailanysty. Mäselen, qoǧamdyq-saiasi salada azamattarǧa auyl jäne audan äkımderın tıkelei sailau mümkındıgı berıldı, sailau jüiesı aşyq bola tüstı, Konstitusiialyq sot qaita qalpyna keltırıldı, al genderlık teŋdık bastamalary äielderge saiasat pen qoǧamdyq ömırge belsendı qatysu üşın jaŋa mümkındıkter aşty.
Äleumettık-ekonomikalyq saladaǧy özgerıster biudjet salasy qyzmetkerlerınıŋ tabysyn aitarlyqtai arttyruǧa, auqymdy qoldau baǧdarlamalaryn ıske qosuǧa, jer resurstaryna ädıl qoljetımdılıktı qamtamasyz etuge, sondai-aq qauıptı jäne ziiandy öndırısterde jūmys ısteitınder üşın zeinet jasyn tömendetuge mümkındık berdı.
Jalpy, saualnama nätijelerı boiynşa respondentterdıŋ 89%-y öz köŋıl-küiın oŋ dep sipattaǧan. Pozitivtı közqaras köbınese 18-35 jas aralyǧyndaǧy jastarǧa, boidaq nemese otbasyly azamattarǧa jäne joǧary bılımı bar respondentterge tän.
Ūqsas jaŋalyqtar
