Jastar resýrstyq ortalyqtaryn damytý jónindegi Úılestirý keńesiniń alǵash ret kóshpeli otyrysy 20-21 sáýir kúnderi Syr elinde ótti. Úılestirý keńesininiń alǵashqy kúni QR-nyń AQDM Jastar jáne otbasy isteri komıtetiniń vedomstvoaralyq úılestirý jáne óńirlik ózara is-qımyl basqarmasynyń basshysy M.Esekeeva, «Jastar» ǵylymı-zertteý ortalyǵynyń jastar resýrstyq ortalyqtaryn ádistemelik qamtamasyz etý basqarmasynyń jetekshisi A.Abenova jáne Qazaqstannyń barlyq aımaǵynan Jastar isi jónindegi basqarma basshylary men barlyq oblystardaǵy Jastar resýrstyq ortalyqtarynyń dırektorlary Baıqońyr qalasyna saparlap, birqatar mańyzdy nysandardy aralady.
Shara barysynda Baıqońyr qalasynyń ákimshilik basshysy K.B.Býsygın Qazaqstandyq delegattardy qabyldap, Baıqońyr qalasynda Memlekettik jastar saıasatynyń júzege asyrylý barysy, jastar ortalyqtarynyń jumysy jáne volonterlik qozǵalys jóninde aıtyp ótti.
Budan keıin delegaııa «Býdýee Baıkonýra» jastar ortalyǵynyń ǵımaratyna ekskýrsııa jasap, ortalyqtyń jastarǵa usynatyn múmkindikterimen tanysty. Baıqońyr qalasyndaǵy mańyzdy tarıhı oryn sanalatyn «Baıqońyr» kosmodromyna baryp, ondaǵy murajaıda ornalasqan tarıhı mura men jádigerlerden mol áser aldy.
Sonymen birge Syr eliniń mádenı brendine aınalǵan Qorqyt ata memorıaldy keshenin aralap, ondaǵy qundy eksponattardyń tarıhymen tanysty.
Ekskýrsııa sońynda elimizdiń ár óńirinen kelgen qonaqtarǵa qazaqy qonaqjaılylyq tanytyp, Ramazan aıynyń sońǵy kúninde aýyzashar dastarhany jaıyldy.
