Qyzylorda oblysynda 22 sáýir kúni báıgeden QR Chempıonatynyń irikteý kezeńi ótedi. Bul týraly Óńirlik kommýnıkaııalar qyzmetiniń aqparat alańynda ótken brıfıngte oblystyq mádenıet jáne sport basqarmasy basshysynyń orynbasary Asyljan Jamanqul málimdedi.
-Búginde ıppodrom saıysty ótkizýge tolyqtaı daıyn. Ótken báıgelerge qaraǵanda tirkelgen attar sany kóp. Saıysqa qatysýshy sportshylar Top báıge, Qunan báıge jáne Alaman báıge boıynsha synǵa túsedi. Júlde qory – 35600000 teńgeni quramaq. Alaman báıgeniń jeńimpazy Astana Motors kompanııasynyń demeýshiligimen avtokólik ıemdenedi. Báıge óte joǵary deńgeıde ótip, halyqtyń kóńilin kóteredi dep senemiz,-dedi Asyljan Zulfqaruly.
-Aýqymdy daıyndyqtar búginde óz máresine jetti. Báıgeden bólek, qyz-kelinshekterge arnalǵan «Ulttyq kıim – ult ajary» atty kostıýmder baıqaýy ótedi. Bul baıqaýǵa elýden asa baıqaýshy óz baǵyn synap kóredi. Oǵan qatysatyn boıjetkender ulttyq kıimmen shyǵyp stıl jaǵynan synǵa túsedi. Júlde qory – 1 mln. teńgeni quraıdy. Sondaı-aq júlde 500 myń teńgeni quraıtyn qol kúres, arqan tartý, gir kóterýden saıystar ótkiziledi.-dedi Kazpetrol Group-tyń PR menedjeri Meıramkúl Hodjaeva.
-Bıylǵy jyly Respýblıka boıynsha jeti irikteý kezeńi bolady. Al sońǵy qorytyndy kezeńi Jambyl oblysynda ótedi. Birinshi kezeńi 22 sáýir kúni Syr elinde bastaý alady. Qyzylorda oblysynan qyryq at iriktelip alyndy. Daıyndyqtary óte jaqsy. Jalpy Respýblıka tarapynan 210 shabandoz óz baǵyn synaıdy,-dedi Qyzyloda oblystyq Báıge federaııasynyń prezıdenti Ádiljan Iztileýov.
Aıta keteıik, shara Qyzylorda oblysy ákimdiginiń qoldaýymen Báıge Federaııasy Respýblıkalyq birlestiginiń uıymdastyrýymen ótedi. Sondaı-aq sharaǵa Kusto group, Compass, Kazpetrol Group kompanııalary seriktestik etedi.
