Jelıde Almatydaǧy Raiymbek daŋǧyly Qalqaman şaǧynaudanyna qarama-qarsy kerı būrylatyn estakada taqtalarynyŋ jıgı ajyraǧany körsetılgen video tarady. Beinejazba taraǧannan keiın qala äkımdıgı jauap berdı, dep habarlaidy “Adyrna” ūlttyq portaly.
Videoda ekı plita arasy 20 santimetrge jetkenı aitylady.
Qalalyq mobildılık basqarmasy mamandarynyŋ mälımetınşe, deformasiialyq jıktıŋ ūlǧaiuy qalypty qūbylys.
«Kazahskii Promtransproekt» JŞS mamandarymen baryp közben kördık, aua raiy saldarynan tuyndaǧan deformasiialyq jıktıŋ ūlǧaiuy paidalanu kezınde bolatyn köpır qūrylymyndaǧy aralyq qūrylys üşın qalypty jaǧdai. Qysta betondy qūrylym jiyrylatyndyqtan deformasiialyq jık ūlǧaiady, jazda kerısınşe bolady, — dep mälımdedı Almaty äkımdıgınıŋ qalalyq mobildılık basqarmasy.
Degenmen estakadada problema bar, būl turaly būryn belgılı bolǧan edı. Mamandar toltyrǧyşy bar rezeŋkelı ötemdeuış yǧysqanyn anyqtady. Sondyqtan ony jöndeu jūmystary biylǧa josparlandy.
Qazır köpırde qozǧalysty şekteuge sebep joq, bıraq jürgızuşıler jyldamdyq (40 km/saǧ) saqtauǧa tiıs.
