Jaŋa oqu jyly qarsaŋynda Almaty oblysynda «Keleşek mektepterı» jobasy aiasynda 4 200 orynǧa şaqtalǧan bes jaŋa bılım oşaǧy aşylady. Sonymen qatar renovasiia baǧdarlamasy aiasynda taǧy 10 mektep kürdelı jöndeuden ötkızılıp, paidalanuǧa berılmek. Būl turaly Almaty oblysynyŋ äkımı Marat Sūltanǧaziev «Konstitusiialyq qūndylyqtar: käsıbilık, sapa, nätije» atty oblystyq tamyz mäslihatynda mälımdedı.
Sonymen qatar oblysta mektep tapşylyǧyn joiu maqsatynda jaŋa jobalar da äzırlenude. Mäselen, Almaty äkımdıgımen bırlesıp, bırneşe jaŋa mektep salu josparlanuda. Oblys äkımdıgı jer uchaskelerın anyqtap qoiǧan, qazırgı taŋda taraptar kelıssözder jürgızude.
«Almaty aglomerasiiasyn damytu aiasynda qala maŋyndaǧy aumaqtarda jaŋa bılım beru nysandaryn salu jönınde kelısımderge qol jetkızıldı. Bızdıŋ tarapymyzdan jer uchaskelerın ūsynamyz. Bügınde olar anyqtaldy, barlyq qajettı aqparat Almatynyŋ jobalyq keŋsesıne joldandy. Boljam boiynşa qūny 41,8 mlrd teŋgenı qūraityn bes jaŋa mektep salu mümkındıgı qarastyryluda. Būl jobalar jüzege assa, balalardy tūrǧylyqty jerı boiynşa mektep oryndarymen qamtamasyz etuge jäne Almatyǧa kündelıktı qatynaudy azaituǧa mümkındık beredı. Bügınde oblysta tūratyn 16 myŋǧa juyq oquşy qala mektepterınde bılım aluda», - dedı Almaty oblysynyŋ äkımı Marat Sūltanǧaziev.
Josparǧa säikes, ärqaisysy 900 oryndyq ekı mektep Alatau qalasynyŋ Jaŋa Däuır şaǧyn audanynda jäne Ile audanyndaǧy Ekpındı auylynda salynbaqşy. Qarasai audanyndaǧy Köksai jäne Qyrǧauyldy auyldarynda ärqaisysy 1 200 orynǧa arnalǧan taǧy ekı mektep boi köteredı. Talǧar audanynyŋ Tūzdybastau auylynda 900 oryndyq bılım oşaǧyn salu josparlanǧan. Osylaişa, bes mekteptıŋ jalpy jobalyq quaty 5 100 oquşy ornyn qūraidy.
Sonymen qatar qyrküiek aiynda oblysta «Keleşek mektepterı» jobasy aiasynda salynǧan taǧy bes jaŋa mektep oquşylar üşın esıgın aiqara aşady. Olar Alatau qalasynyŋ Qoianqūs auylynda, Ile audanynyŋ Tılendiev auylynda, Qarasai audanynyŋ Būlaqty auylynda, sondai-aq Eŋbekşıqazaq audanynyŋ Satai jäne Aşysai auyldarynda ornalasqan. Osylaişa atalǧan eldı-mekenderdegı üş auysymdy mektep mäselesı tolyq şeşılıp, taǧy ekı mekteptegı oquşy oryndarynyŋ tapşylyǧy joiylady dep kütılude.
Öŋırdegı joǧary demografiialyq ösım jaǧdaiynda jaŋa nysandardyŋ qūrylysy bılım beru jüiesındegı infraqūrylym tapşylyǧyn azaitu üşın asa maŋyzdy.
2026 - 2027 oqu jylynda Almaty oblysynyŋ 502 jalpy bılım beretın mektebınde şamamen 385 myŋ bala bılım alady. Onyŋ 35 myŋnan astamy biyl alǧaş ret mektep tabaldyryǧyn attaityn bırınşı synyp oquşylary.
«Almaty oblysy - demografiialyq ösımı joǧary jäne jastardyŋ ülesı basym öŋırlerdıŋ bırı. Osyǧan bailanysty infraqūrylym tapşylyǧyn joiu mäselesı basty nazarda. Soŋǧy tört jylda oblysta 75 jaŋa mektep aşylyp, alty qosymşa ǧimarat paidalanuǧa berıldı. Nätijesınde üş auysymdy mektepterdıŋ sany 52-den 23-ke deiın qysqardy, şalǧai eldı mekenderden 5 821 oquşyny tasymaldau mäselesı şeşıldı», - dedı oblys äkımı.
Jaŋa mektepter salumen qatar, qoldanystaǧy bılım beru nysandarynyŋ infraqūrylymy da jaŋartyluda. Öŋırde kürdelı jöndeudı qajet etetın 91 bılım beru nysany anyqtalǧan. Biyl oblystaǧy 11 mektepte kürdelı jöndeu jūmystary jürgızılude. Onyŋ 10-y jaŋa oqu jylynda paidalanuǧa berıledı.
Sondai-aq halyq tyǧyz ornalasqan auyldarda mektep salu mäselesı de basty nazarda. 2026–2030 jyldary EPC+F mehanizmı arqyly Ile audanyndaǧy Ötegen batyr, Jainaq, Baiserke jäne A. Toqpanov auyldarynda, sondai-aq Eŋbekşıqazaq audanyndaǧy Bäiterek auylynda jalpy syiymdylyǧy 4 200 oryn bolatyn bes mektep salu josparlanuda.
Būl jobalar ıske asyrylsa üş auysymda oqyp jürgen jetı myŋnan astam oquşynyŋ mäselesı tolyq şeşılıp, şalǧai eldı mekenderden tasymaldanatyn taǧy 2 871 bala öz auylynda bılım alatyn bolady.
