Búgin Syr óńirine arnaıy jumys saparymen kelgen Aýyl sharýashylyǵy mınıstri Erbol Qarashókeev aýyl sharýashylyǵy taýaróndirýshilerimen kezdesip, saladaǵy ózekti máselelerdi talqylady.
Oblys ákimi Nurlybek Nálibaev vedomstvo basshysyna Úkimet tarapynan kórsetilgen qoldaý úshin rızashylyǵyn bildirdi.
«Sońǵy jyldary oryn alǵan sý tapshylyǵyna qaramastan Syr dıqandary Memleket basshysy men Úkimet tarapynan kórsetilgen qoldaýdyń arqasynda eginnen mol ónim alyp, salada ósim dınamıkasy qalyptasty. Tamaq ónimderin óńdeý kólemi ótken jyldyń qorytyndysymen 6,3 paıyzǵa artty. Byltyr aýyl sharýashylyǵynyń negizgi qoryna 9,9 mlrd. teńge ınvestıııa salynyp, 2021 jylmen salystyrǵanda 8 paıyzǵa artsa, bıylǵy qańtar-aqpan aılarynda ótken jyldyń sáıkes kezeńimen salystyrǵanda 13,2 ese ósti.
Ótken jyly salany sýbsıdııalaýǵa 11,9 mlrd. teńge qarjy bólinse, bıyl 13,8 mlrd. teńge qaraldy. Syr dıqandary 195,6 myń gektarǵa aýyl sharýashylyǵy daqyldaryn egýdi josparlaýda. Onyń ishinde negizgi daqyl – kúrish kólemi 83,9 myń gektar kóleminde mejelengen», – dedi aımaq basshysy.
Erbol Qarashókeev bıylǵy sýbsıdııalaý erejelerimen tanystyryp, aýyl sharýashylyǵy jerlerin tıimdi paıdalaný máselelerin talqyǵa saldy.
Jıynǵa oblystyń aýylsharýashylyǵy salasynyń ókilderi, qala jáne aýdan ákimderi beınekonferenııa baılanysy arqyly qatystyp, óz suraqtaryn qoıdy.
«Abzal ı K» TS bas agronomy A.Alıakbarov, «Aqtóbe ı K» JShS dırektory N.Izdibaev, «Aqjarma ı K» JShS bas agronomy Ǵ.Iztileýov, «Seıtjanov», ShQ tóraǵasy Sh.Seıtjanov, «RK Munaı» JShS quryltaıshysy R.Nurjanova jáne «Er-Áli» sharýa qojalyǵynyń tóraǵasy Á.Bekjanov usynys-pikirlerin jetkizdi.
Aıta keteıik, QR Aýyl sharýashylyǵy mınıstri Syr óńirine sapary barysynda Syrdarııa aýdany N.Ilııasov aýylyndaǵy kórkeıtý kógaldandyrý, abattandyrý jumystaryn kórip, respýblıka kóleminde ótetin aýyldy damytý taqyrybyndaǵy semınarǵa daıyndyq máselelerin pysyqtady. Jeke qabyldaý ótkizip, jergilikti BAQ ókilderine brıfıng berdi jáne Qyzylorda qalasyndaǵy aýyl sharýashylyǵy qurylymdary jumysymen tanysty.
Anyqtama úshin: Ótken jylmen salystyrǵanda oblysta jalpy egis kólemin 7,0 myń gektarǵa, onyń ishinde kúrish kólemin 5,3 myń gektarǵa, mal azyqtyq daqyldardy 2,3 myń gektarǵa, kartop, kókónis, baqsha kólemin 222 gektarǵa ulǵaıtý kózdelýde. Vegetaııa kezeńine sý lımıti belgilengennen keıin egis kólemi naqtylanatyn bolady.
Sý tapshylyǵyn eskere otyryp, aýyl sharýashylyǵyn ártaraptandyrý úshin sońǵy 2 jylda oblysta kúrish kólemi 11 myń gektarǵa deıin qysqartylyp, ornyna sýdy az qajet etetin daqyldar kólemi 17,1 myń gektarǵa ulǵaıtyldy. 1,0 myń gektarǵa sý únemdeý tehnologııasyn qoldaný arqyly egin egilse, bıyl 667 gektarǵa qoldanylatyn bolady. 2030 jylǵa deıin onyń kólemin 17,2 myń gektarǵa jetkizý josparlanýda. Bıyl Ýkraına ǵalymdarymen tájirıbe retinde demonstraııalyq alqapqa ártaraptandyrý baǵytyndaǵy daqyldardy egý qolǵa alyndy. Qazir kóktemgi dala jumystary men egin egý naýqany kestege saı júrýde, dıqandar tuqym, tyńaıtqysh, tehnıka jáne janar-jaǵarmaımen tolyq qamtylǵan.
