Qostanaıda 16 jasar jacóspirim aýyr jaraqattarmen aýrýhanaǵa tústi. Ony zildeı fýtbol qaqpasy basyp qalǵan. Dál osyndaı jaǵdaı Qostanaıda 2 apta buryn da bolǵan edi, dep habarlaıdy "Adyrna" ulttyq portaly.
alau.kz-tiń jazýynsha, dárigerler ústine fýtbol qaqpasy qulaǵan naýqasqa qatysty bylaı deıdi:
«Naýqastyń 12 eli ishegi úzilgen. Bul – sıpaty jaǵynan da, emdelýi jaynan da eń aýyr jaraqattardyń biri. Asqynýlar bolýy múmkin. Bala qazir jansaqtaý bóliminde jatyr, ol ókpeni jasandy jeldetý apparatyna qosylǵan. Ota jasaldy. Jaǵdaıy aýyr, biraq turaqtandy. Óz betimen demalýy úshin apparatty ajyratý boıynsha sheshim qabyldaımyz», - dedi oblystyq balalar aýrýhanasy hırýrgııalyq qyzmet sektorynyń meńgerýshisi Igor Belobrjıkıı.
Jasóspirimdi jazym qylǵan oqıǵa 12 sáýir kúni bolǵan. Dál mundaı derekpen budan 2 apta buryn Uzynkól aýdanynan 16 jasar bala túsken. Tórt jyl buryn "qaqpa kesirinen" bir bala ajal qushqan. Dárigerler mundaı oqıǵamen tirkelgen uzynkóldik jas sportshynyń jaǵdaıy men Qostanaıdaǵy jazataıym oqıǵaǵa qatysty habarlama jasady:
«Jasóspirimniń basyna fýtbol qaqpasy qulaǵan. Bas súıek-mı jaraqatymen tústi. Jaǵdaıy ortasha aýyr boldy. Qazir jazylyp keledi. Osydan 4 jyl buryn Qostanaıda ústine fýtbol qaqpasy qulaǵan bala kóz jumǵan edi. Endi mundaı jaǵdaılar qaıtalanbaıtyn shyǵar dep oılaǵanbyz. Ókinishke qaraı, másele áli de bar», - dedi dáriger.
"Adyrna" ulttyq portaly
