Bokstan Qazaqstan ūlttyq qūramasynyŋ būrynǧy kapitany, Olimpiada jäne älem chempionatynyŋ jüldegerı Qamşybek Qoŋqabaev käsıbi mansabyn aiaqtady, dep habarlaidy "Adyrna" ūlttyq portaly.
Būl turaly ūlttyq qūramanyŋ bas bapkerı Qairat Sätjanov mälımdedı.
Qoŋqabaevtyŋ jeke bapkerı Seiıtjan Tökenov şäkırtınıŋ būl şeşımıne qatysty pıkır bıldırıp, onyŋ sporttyq mansabyn jeŋıspen aiaqtamaǧanyna ökınış bıldırdı.
"Qamşybek Parij Olimpiadasynan keiın bokstan ketemın dep jürgen. Jaqynda bas bapker de osyny aitty. Ol maǧan jeke kelıp eşteŋe aitpasa da, mūndai äŋgıme būǧan deiın de bolǧany ras. Ärine, ökınıştı. Jauapty jarystarda jeŋılıp, jüldesız qalǧany janyma batady. Äsırese, bapker retınde Parij Olimpiadasyndaǧy jeŋılısı auyr tidı. Älı de jeŋıske jetuge mümkındıgı bar edı," – deidı Tökenov.
Qoŋqabaev ūzaq jyldar boiy özbekstandyq Bahadür Jalolovtyŋ basty qarsylasy boldy. Alaida, resmi jarystardyŋ köbınde jeŋılıp qaldy. Tökenovtyŋ aituynşa, jasöspırım kezınde Qamşybek qarsylasyn bırneşe ret jeŋse de, eresekter arasyndaǧy kezdesulerde onyŋ fizikalyq artyqşylyqtary röl oinaǧan.
"Bahadür – köptegen boksşylar üşın yŋǧaisyz qarsylas. Onyŋ boiy men qolynyŋ ūzyndyǧy jaqsy kömektestı. Äitpese, onyŋ boksyn erekşe ädemı dep aitu qiyn," – dep bapker pıkır bıldırdı.
Seiıtjan Tökenov Qoŋqabaevtyŋ sporttyq mansaby joǧary notada aiaqtalǧanyn qalaǧanyn jetkızdı: "Tokioda amerikalyqtan jeŋıldı. Parijde de joly bolmady. Būl – sport. Bıraq mansabyn jeŋıspen aiaqtaǧanda jaqsy bolar edı," – deidı ol.
Ūqsas jaŋalyqtar
