Foto: Subaas Shrestha/NurPhoto/picture alliance
Nepal men Qytai şekarasyndaǧy tabiǧi apat bolǧan aimaqta Qazaqstannyŋ ekı azamatşasyn ızdestıru jūmystary jalǧasyp jatyr. Būl turaly QR Syrtqy ıster ministrlıgınıŋ resmi ökılı Janbolat Üsenov mälımdedı, dep habarlaidy “Adyrna”.
Būǧan deiın olardyŋ bırınıŋ turistık top qūramynda Nepaldan Qytai aumaǧyna ötkendıgı habarlanǧan bolatyn.
Syrtqy ıster ministrlıgınıŋ mälımetınşe, qazaqstandyq diplomattar jergılıktı bilık organdarymen bırlesıp jūmys jürgızıp jatyr. Sonymen qatar joǧalǧan azamattardyŋ jaqyndarymen tūraqty bailanys ornatylǧan.
“QR Syrtqy ıster ministrlıgı jergılıktı memlekettık organdarmen jūmysty jalǧastyruda. Otandastarymyzdyŋ tuystarymen tūraqty bailanystamyz”,– dedı Janbolat Üsenov.
Äleumettık jelılerde ızdestırılıp jatqan qazaqstandyq turisterdıŋ aty-jönı de jariialandy. Olar – 1982 jyly tuǧan Anna Şerba men İrina Blonskaia.
Aita keteiık, būǧan deiın Nepaldan Qytaiǧa ötken taǧy bır qazaqstandyq turistıŋ ızdestırılıp jatqany habarlanǧan edı.
Qazırgı uaqytta Nepaldaǧy joiqyn su tasqyny men lai köşkınınıŋ saldarynan qaza tapqandar sany 469 adamǧa jetken. Sonymen qatar 800-den astam jergılıktı tūrǧyn men şeteldık azamattyŋ taǧdyry älı belgısız.
Öŋırde qūtqaru jäne ızdestıru jūmystary jalǧasyp jatyr. Alaida tabiǧi apat aimaǧynda jaŋa su tasqyny men köşkın qaupı älı de saqtalyp otyr.
