«AMANAT» fraksiiasynyŋ deputaty Rinat Zaiytov Mäjılıstıŋ keşegı jalpy otyrysynda alǧaşqy deputattyq saualyn Premer-ministrdıŋ orynbasary Altai Kölgınovke joldady, dep habarlaidy “Adyrna” ūlttyq portaly.
Ol öz saualynda mädeniet salasy qyzmetkerlerınıŋ jalaqysyn köteru mäselesı jaily aitty.
Rinat Zaiytovtyŋ aituynşa, bügınde mädeniet qyzmetkerlerı mülde eskerusız qalyp otyr.
«Memleketımızdıŋ ideologiiasyn dūrys jürgızude jäne otanymyzdy alys-jaqyn şetelderge tanystyruda mädeniettıŋ atqaryp jatqan jūmysy az emes. Respublikamyz boiynşa eleulı eŋbek etıp jatqan 56 teatr, 20 filarmoniia, 267 mūrajai, 3891 kıtaphana bar. Ol az deseŋız Qazaqstan boiynşa qanşama mädeniet üilerı jäne taǧy sol siiaqty bırneşe öner ūjymdary da bar. Ǧ. Müsırepovtıŋ: «Adam – önerdı qanşalyqty jaqsy körse, sonşalyqty qorǧauǧa mındettı» degen nasihat sözı bar. Ökınışke qarai, bız bügıngı künde memlekettıŋ ainasy bolyp otyrǧan mädeniet qyzmetkerlerın müldem eskerusız qaldyrudamyz», - dep atap öttı ol.Sonymen qatar, mädeniet salasynyŋ qyzmetkerlerı qatarynda sahnada öner körsetetın tūlǧalar ǧana emes, solardyŋ jaǧdaiyn jasap otyrǧan sahna syrtyndaǧy eŋbek adamdary da bar ekenıne toqtaldy.
«Olar memleketıne şynaiy mahabbatpen qarap, mädenietke bar yqylasymen qyzmet etetın: sahna tehnikterı, kostiumerler, grimerler, jaryq tüsıruşıler, dybystauşy degen siiaqty myŋdaǧan adamdar. Janǧa batatyn bır jait, būl atalǧan qyzmetkerler älı künge deiın sanaty joǧarylap, jalaqysy ösıp jatqan ūstazdar, därıgerler siiaqty mamandar qatarynan da oryn alǧan joq. Qazırgı taŋda qai mekemenı alsaŋyz da mädeniet salasy qyzmetkerlerınıŋ jalaqysy 60 myŋ teŋgeden bastalyp, 100 myŋ teŋgege jeter jetpes mejeden asa almai tūr. Eŋbekaqynyŋ tömendıgı bılıktı mamandardyŋ jūmystan öz erkımen ketıp, mädeniet oşaqtarynyŋ jūmysyn tūralatuǧa äkelıp soǧady. Qūrmettı Altai Seidırūly, osy oraida, men Qazaqstan Respublikasy Ükımetınıŋ «Azamattyq qyzmetşılerge, memlekettık biudjet qarajaty esebınen ūstalatyn ūiymdardyŋ qyzmetkerlerıne, qazynalyq käsıporyndardyŋ qyzmetkerlerıne eŋbekaqy töleu jüiesı turaly» 2015 jylǧy 31 jeltoqsandaǧy № 1193 qaulysynyŋ qosymşasyna mädeniet, arhiv jäne kıtaphana qyzmetkerlerınıŋ koefisentterın özgertıp, jalaqylaryn ösırulerıŋızdı sūraimyn. Qūrmettı Altai Seidırūly, Sız Äleumettık-mädeni damu komitetınıŋ otyrysynda bırlesıp jūmys jasauǧa uäde bergen edıŋız jäne de qaita jasaqtalǧan ministrler kabinetı «AMANAT» partiiasynyŋ sailaualdy baǧdarlamasyn tolyqtai ıske asyruǧa eŋbektenetının habarlaǧansyz. Sol sebeptı menıŋ saualym oŋ şeşımın tabady dep senemın», - dep tüiındedı Rinat Zaiytov.
Ūqsas jaŋalyqtar
