Aqmola oblysyndaǧy Bestöbe kentı "Altyn almas" kompaniiasynda dau tudy. Onyŋ 1200 qyzmetkerı jūmystan şyǧarylǧan, dep habarlaidy “Adyrna” ūlttyq portaly.
İnformbiuro jaŋalyqtarynyŋ mälımetınşe, ken orny jūmysyn 2021 jyldyŋ şıldesınde toqtatqan. Ol kezde kompaniia öŋdelgen önımdı saqtaityn qoima joq, şahtanyŋ ışın su aldy dep syltauratqan körınedı
Kompaniia tūrǧyndardy altyndy aşyq ädıspen öndıruge köndırgısı kelgen. Alaida jarylys saldarynan tūrǧyn üiler qiraidy dep halyq kelıspegenın aitady.
Söitıp ken orny 29 nauryzda myŋnan astam adamǧa bır aidyŋ ışınde tolyǧymen qysqartylatyny turaly habarlama jıberıp, Bestöbe kentındegı jūmystyŋ aiaqtalatynyn jetkızgen.
“Bızder "Qazaqaltynmen" jūmys ıstegende bärı jaqsy boldy. Aiǧai da, şu da bolǧan joq. “Altyn almas” kelgelı bastaldy. 2 jyl jūmyssyz otyrdyq. Aqşasyn töledı. Endı kelıp ärbır adamdy qysqartuǧa jıberıp otyr. Sol sebeptı aiqai-şu bastap jatyrmyz”, - deidı Bestöbe ken ornynyŋ jūmysşysy Maidan Ahmetov.
Kenşıler narazylyqtaryn aitu üşın oblys äkımınıŋ keluın talap etken. Alaida, keşe olarmen Stepnogorsk qalasynyŋ äkımı Alpysbai Qaiyrjanov pen oblys äkımınıŋ orynbasary Eldos Ramazanov, "Qazaqaltyntyŋ" bas direktory Rustem Qarakesov jäne astanalyq investor kezdestı. Jūmysşy halyq bilıktegılerge bırneşe talaptaryn aitty.
“Jūmys ornynyŋ saqtaluyn talap etemız. Ekınşısı, şahtadan sudyŋ syrtqa şyǧaryluyn talap etemız. Jaŋa investorǧa rudnik ötkenge deiın ortaşa jalaqy berıp tūruyn talap etemız. Bestöbe kentıne audit jürgızu üşın potensialdy investorlardy jıberu kerek”, – deidı Bestöbe ken ornynyŋ kenşısı Erbol Şaimov.
Al "Altyn almas" kompaniiasyna qarasty "Qazaqaltyn" serıktestıgınıŋ bas direktory jūmysşylardy qysqartu jönınde qaŋtar aiynda eskertkenbız deidı. Ärı jūmyssyz qalǧan kenşılerdı kompaniianyŋ özge de ken oryndaryna jūmysqa şaqyrǧan.
“30 qaŋtarda jūmysşylardy qysqartatynymyz jaiynda aldyn ala hat jıberıldı. Sızderdıŋ käsıpodaq ökılderıŋız ekı ai būryn būl hatty aldy. Atalǧan hatqa qatysty barlyq eskertuler 5 kün ışınde jıberıluı kerek edı. 5 künnıŋ ışınde sızderdıŋ taraptan eşqandai hat, jauap kelmedı”, – deidı "Qazaqaltyn" JŞS Bas direktory Rüstem Qarakesov.
Degenmen, bır toqtamǧa kele almaǧan kenşıler premer-ministrdıŋ bırınşı orynbasary Roman Skliardyŋ keluın talap ettı. Jūmysşylarmen kezdesıp, mäselenıŋ nüktesın qoiuǧa industriia jäne infraqūrylym vise-ministrı İran Şahran kelgen. Vedomstvo ökılı ken öndıru kompaniiasymen kelısımge kelıp, jūmystan qysqartu merzımın mausymǧa deiın şegerdı. Osy uaqyt aralyǧynda jol kartasy daiyndalyp, ken orny jaŋa investorǧa nemese ükımetke ötetın aitty.
