Qasym-Jomart Toqaevtyŋ töraǧalyǧymen VIII sailanǧan QR Parlamentınıŋ bırınşı sessiiasyna qatysty «Qazaqstandyq Qoǧamdyq damu instituty» Basqarma Töraǧasynyŋ orynbasary Äsem Qaidarova pıkır bıldırdı, dep habarlaidy “Adyrna” ūlttyq portaly.
"Bilıkke kelgen jaŋa deputattardy saiasi jüie özgerısınıŋ bastauy dep atai alamyz. Olardyŋ qūramyna halyq senım artyp jürgen belgılı tūlǧalar, jurnalister, käsıpkerler keldı. Deputattardyŋ alǧa qoiǧan mındetterın qalai atqaratynyn, jūmysynyŋ nätijesın aldaǧy uaqytta köretın bolamyz", dedı Äsem Qaidarova.Sonymen qatar, ol erekşe qajettılıkterı bar azamattardyŋ da deputat retınde qyzmet etetının atap öttı.
"Sailanǧan deputattar arasynda mümkındıgı şekteulı jandar da bar. Olardyŋ bilıkke keluı qoǧamǧa oŋ äserın tigızedı dep oilaimyn. Öitkenı Batys memleketterınde mümkındıgı şekteulı jandar eldıŋ tolyq müşesı retınde ömır süredı. Qoǧamdyq kölıktermen özderı jürıp, sauda ortalyqtaryna erkın baryp, sauda jasai alady. Sondyqtan bızge de erekşe qajettılıkterı bar azamattarǧa jaǧdai jasau kerek. Ol üşın bilık ökılderı naqty şeşımderdı qabyldauy tiıs. Mūndai jandardyŋ deputattyqqa sailanuy mümkındıgı şekteulı azamattardyŋ özın qoǧamnyŋ teŋ müşesı retınde sezınuıne, paidaly zaŋdardyŋ qabyldanuyna yqpal etedı, dedı "Qazaqstandyq Qoǧamdyq damu instituty" Basqarma Töraǧasynyŋ orynbasary.Spiker bügıngı sessiiada bırqatar mäselenıŋ köterılgendıgın aiqyndai tüstı. Ol otyrysta memleket basşysynyŋ azyq-tülık qauıpsızdıgın qamtamasyz etu, infraqūrylymdy damytu, auyldarǧa qatysty türlı maŋyzdy mäselelerdı kötergenın aitty.
"Būryn zaŋ jobasyn Mäjılıs maqūldap, Senat qabyldaityn. Mäjılıs deputattary halyqtyŋ ökılı bolǧandyqtan, el aldyndaǧy jauapkerşılıgı ekı ese küşeiedı. Zaŋdy Senat qabyldap jürse, endıgı soŋǧy şeşım Mäjılıste bolady. Sondyqtan deputattar halyqpen tyǧyz qarym-qatynasta bola otyryp, olardyŋ mäselelerın şeşuge barynşa atsalysuy tiıs, dedı Äsem Qaidarova.Spikerdıŋ sözınşe, endı deputattar «deputattyq saualnamany» ministrlıkterge, äkımdıkterge köptep joldauy qajet. Olar öŋırlerdegı infraqūrylym mäselesın köteruı kerek. Sebebı infraqūrylym damymai, turizm de damymaidy.
Ūqsas jaŋalyqtar
