Oligarh Aleksandr Klebanov özı baqylaityn Ekıbastūz jylu elektr ortalyǧyn apatty küide memleketke 1 teŋgege satqysy keledı. Būl turaly mäjılıs deputaty Erlan Saiyrov aitty, dep habarlaidy “Adyrna” tılşısı.
Deputattan mäjılıs kuluarynda jurnalister: “oligarh Klebanovpen kezdestıŋız be?”, dep sūrady.
"Ekı kün būryn äkımşılıkte jinalys boldy. Oǧan Klebanov ta qatysty. Sol kezde bız bükıl sūraqty sol kısıge qoidyq. Ol bızge ony (Ekıbastūz JEO) 1 teŋgege memleketke satuǧa daiynbyz dedı", - dedı Saiyrov mäjılıs kuluarynda.
Alaida Qazaqstan bilıgı oǧan kelıspegen.
"Bız olai bolmaidy dep aittyq. Eŋ aldymen käsıporyndy ielıkke alǧan kezde tozu deŋgeiı qandai, qazır qandai, sol aiyrmany anyqtap, sony töleudı talap ettık. Ekınşıden, qazır Qazaqstan halqy qinalyp jatyr. Sondyqtan olar Ekıbastūz halqyna moraldyq şyǧyn töleuı kerek", - dedı mäjılısmen.
27 qaraşaǧa qaraǧan tünı Ekıbastūz JEO-da qazandyqtar ısten şyǧyp, tūrǧyndar qaqaǧan aiazda jylusyz qaldy. Ertesıne qalada tötenşe jaǧdai jariialandy.
Aita keteiık, oligarh Aleksandr Klebanov – "Ekıbastūzjyluenergiia" JŞS qūryltaişysy.
