Şymkentte Qazaqstannyŋ tükpır-tükpırınen qatysuşy retınde, qonaq retınde de myŋdaǧan adamdy jinaǧan «Ūly qazaq oiyndary» auqymdy etnofestivalı öttı.
Is-şara baǧdarlamasy är türlı bolǧanymen, basty nazar ūlttyq sport türlerıne berıldı. Üş kün ışınde Şymkentte kökpar, qazaqşa küres, audaryspaq, sadaq atu, toǧyzqūmalaq, bäige jäne basqa da ūlttyq sport türlerı boiynşa jarystar öttı. Taǧy bır maŋyzdy detal: barlyq saiystarda janküierler köp boldy jäne öte belsendı qoldau körsettı. Sonymen qatar, körermender jergılıktı sportşylardy da, basqa öŋırlerden kelgen qonaqtardy da jyly qarsy aldy.
Aitpaqşy, jarysqa qazaqstandyqtar ǧana qatysqan joq. Qyrǧyzstan, Özbekstan, Moŋǧoliia jäne Qytaidan kelgen sportşylar da jülde üşın talasqa tüstı. Barlyǧy 1000-nan astam sportşy qatysty.
Kökpardan turnirdıŋ finaly Jambyl oblysynyŋ qūramasy men Qyrǧyzstan komandasy arasynda öttı. Bızdıŋ sportşylar matchta jeŋıske jettı. Sondai-aq, audaryspaqtaǧy soŋǧy jekpe-jekter men teŋge ılu jarysyn kördım.
Festivaldıŋ basty oqiǧasy 18 şaqyrymdyq alaman bäige boldy. Jarysqa elımızdıŋ barlyq öŋırınen jinalǧan 30-ǧa juyq jüirık pen şabandoz qatysty. Bas bäigenı Şymkenttıŋ 12 jastaǧy şabondozy jeŋıp aldy. Men marapattau räsımıne qatysyp, chempiondy qūttyqtadym.
Jarys Bozaryq audanyndaǧy jaŋa ippodromda ūiymdastyryldy, ippodromnyŋ aşyluy «Ūly qazaq oiyndary» bastalǧanǧa deiın öttı. Aita ketu kerek, nysan özıne jüktelgen tapsyrmany öte jaqsy oryndap, ırı halyqaralyq jarystardy qabyldauǧa daiyn ekenın däleldedı. Būl bız üşın öte maŋyzdy, sebebı Memleket basşysy 2024 jyly elımızde ötetın V Düniejüzılık köşpendıler oiyndaryn joǧary deŋgeide ūiymdastyrudy tapsyrǧan bolatyn.
"Adyrna" ūlttyq portaly
Ūqsas jaŋalyqtar
