Lıvııa jaǵalaýynda Jerorta teńizinde mıgranttar mingen keme sýǵa batyp ketti, dep habarlaıdy "Adyrna" tilshisi Halyqaralyq kóshi-qon uıymyna silteme jasap.
Apattan 61 adam qaıtys bolǵan. BUU-nyń Lıvııadaǵy halyqaralyq kóshi-qon uıymynyń ókilderi áleýmettik jelisindegi paraqshasynda áıelder men balalardyń sýǵa batyp ketkeni aıtylýda.
Aman qalǵandardyń sózinshe, Zývara qalasynan shyqqan kemede shamamen 86 adam bolǵan. Basqa málimetter áli jarııalanbady.
CNN basylymynyń habarlaýynsha, bıyl ǵana Ortalyq Jerorta teńizinde 2500-den astam adam qaıtys bolǵan, iz-túzsiz joǵalǵandary da bar.
