Qazaqstandyq qūtqaruşylardyŋ ekınşı toby Türkiianyŋ Gaziantep qalasyna jettı. Būl turaly QR Tötenşe jaǧdailar ministrlıgınıŋ baspasöz qyzmetı mälımdedı, dep habarlaidy “Adyrna” ūlttyq portaly.
"Qazırgı uaqytta jabdyqtar men jeke qūramdy tüsıru jūmystary jürgızılude. Osydan keiın jaŋadan kelgen qūtqaruşylar üşın ızdestıru-qūtqaru jūmystaryna arnalǧan uchaskeler aiqyndalatyn bolady",-delıngen habarlamada.
Ekınşı top qūramynda 60 adam, olardyŋ ışınde TJM qūtqaruşylary, Apattar medisinasy ortalyǧynyŋ därıgerlerı, kinologiialyq esepter bar.
Sondai-aq, qazaqstandyq qūtqaruşylardyŋ ekınşı eşelony Türkiiadaǧy joiqyn jer sılkınısı bolǧan jerge attanǧany habarlandy.
Ūqsas jaŋalyqtar
