Bügın, 2026 jylǧy 13 aqpanda Almaty qalasynda QR Premer-Ministrınıŋ orynbasary – Mädeniet jäne aqparat ministrı Aida Balaeva bastaǧan «Ädılettı jäne Progressivtı Qazaqstannyŋ Halyqtyq Konstitusiiasy üşın!» Jalpyūlttyq koalisiiasy müşelerınıŋ şyǧarmaşylyq ziialy qauym ökılderımen kezdesuı öttı.
Jiyn barysynda koalisiia müşelerı – QR Parlamentı Mäjılısınıŋ deputaty Amanjol Ältai, Qazaqstan Jazuşylar odaǧynyŋ töraǧasy Mereke Qūlkenov, halyqaralyq «Qazaq tılı qoǧamy» qoǧamdyq bırlestıgınıŋ prezidentı Rauan Kenjehan söz söiledı.
Jiynǧa mädeniet jäne öner salasynyŋ tanymal ökılderı, şyǧarmaşylyq odaqtardyŋ jetekşılerı, joǧary oqu oryndarynyŋ professorlyq-oqytuşylyq qūramy, studentter, sondai-aq ministrlıkke qarasty ūiymdardyŋ basşylary men qyzmetkerlerı qatysty.
Kezdesu barysynda Vise-premer elımızde jürgızılıp jatqan auqymdy saiasi reformalar men jaŋa Konstitusiia jobasynyŋ män-maŋyzyna keŋınen toqtaldy. Ol Memleket basşysynyŋ Ädılettılık, Zaŋ men tärtıp qaǧidattaryna negızdelgen bastamalary el damuynyŋ jaŋa kezeŋın aiqyndap otyrǧanyn atap öttı.
Aida Balaeva 15 nauryzda ötetın respublikalyq referendumnyŋ tarihi maŋyzyna nazar audaryp, būl taŋdau tek bügıngı buyn üşın emes, keler ūrpaq üşın de jauapty şeşım ekenın aitty. Sonymen qatar Konstitusiialyq komissiianyŋ jarty jylǧa juyq uaqyt boiy qoǧammen aşyq formatta jūmys jürgızgenın, myŋdaǧan ūsynys qaralyp, jaŋa redaksiiada eskerılgenın jetkızdı.
Vise-premer Jaŋa Konstitusiia jobasynyŋ özegı – adam qūqyqtary men bostandyqtaryn eŋ joǧary qūndylyq retınde aiqyndau ekenın atap öttı. Preambulada bırlık pen yntymaq, ūltaralyq jäne dınaralyq kelısım, egemendık pen aumaqtyq tūtastyq özgermeitın qūndylyqtar retınde bekıtılgenın aitty.
Sondai-aq jaŋa redaksiiada mädeniet pen ruhaniiat mäselelerıne erekşe män berılgenı atap ötıldı. Atap aitqanda, tarihi-mädeni mūrany saqtau, töl mädeniettı qoldau, ziiatkerlık menşıktı qorǧau, şyǧarmaşylyq erkındıktı qamtamasyz etu normalary konstitusiialyq deŋgeide aiqyndalǧan. Alǧaş ret azamattardyŋ sifrlyq ortadaǧy qūqyqtaryn qorǧau turaly norma engızılgenı de aityldy.
Sonymen qatar, jiyn barysynda teatr jäne kino akterı, Qazaqstannyŋ Halyq ärtısı Bolat Äbdılmanov, T.Jürgenov atyndaǧy Qazaq ūlttyq öner akademiiasynyŋ rektory Arman Jüdebaev, Qazaqstan Respublikasy Ūlttyq ortalyq muzeiınıŋ direktory Serjan Sarov jäne özge de qatysuşylar jaŋa Konstitusiia jobasyna qatysty pıkır bıldırıp, salany odan ärı damytu baǧytyndaǧy ūsynystaryn ortaǧa saldy. Qatysuşylar eldıŋ bolaşaǧy üşın jauapty taŋdau jasau qajettıgın atap öttı.
Kezdesu soŋynda Aida Balaeva barşa qazaqstandyqtardy 15 nauryzda ötetın referendumǧa belsendı qatysuǧa jäne Jaŋa Konstitusiiany qoldauǧa şaqyrdy.
