2023 jyly naýryz aıynyń 16 juldyzynda Almaty oblysynyń mádenıet, arhıvter jáne qujattama basqarmasyna qarasty «Almaty oblysynyń mýzeıler birlestigi» MKQK-niń fılıaly «Anaǵa qurmet» mýzeıinde Ulystyń Uly kúni – Naýryz merekesine arnalǵan «Naýryz – jańǵyrǵan salt-dástúrler»atty merekelik mádenı-tanymdyq is-shara ótti.
Is-sharada merekelik konert qoıylyp, Qydyr ata, Umaı ana, Abylaı han, Buqar jyraý jáne Tóle bı, Qyzybek bı, Áıteke bı syndy bılerdiń obrazdarynan quralǵan sahnalyq qoıylymdar usynyldy. Sonymen qatar ,qolóner sheberleri buıymdarynyń kórmesi kórsetildi. Merekelik shara ulttyq, sporttyq-buqaralyq oıyndarmen jalǵasyp, sportshylar ónerlerin kórsetti.
Almaty oblysy mýzeıler birlestigiń basshysy Anýar Úmbetalıev aýdan turǵyndary men qonaqtaryn quttyqtap, sóz sóıledi.
- «Naýryz – jyl basy ǵana emes, bul eń aldymen izgilik pen jaqsylyqtyń meıramy. Naýryz – rýhanı tazarý men úılesimniń, beıbitshilik pen berekeniń sımvoly. Igi dástúr boıynsha biz de jańa jyldan jaqsylyqtar men jańa jetistikter kútemiz. Elimizdiń mereıin ósirip, bar bolmysymyzdy aıshyqtaıtyn qasıetti Naýryz merekesi árbir otbasyna birlik pen qýanysh, qut-bereke, baqyt pen molshylyq ákelsin! Elimizdegi turaqtylyq tuǵyry bekemdelip, baq-berekemiz arta bersin! Ulys oń bolsyn, aq mol bolsyn, aǵaıyn!»
Naýryz meıramyna oraı «Anaǵa qurmet» mýzeıiniń alańyna kıiz úı, eki shatyr tigilip, merekeni tamashalaýǵa kelgen halyq naýryz kóje, baýyrsaq, qymyz jáne basqa da qazaqtyń ulttyq taǵamdarynan dám tatty. Kún men túnniń teńelip, jan-dúnıeni tiriltken, sharýanyń bir maly ekeý bolyp, arqa-basy keńip, aqqa aýzy tıgen, qytymyr qystyń yzǵarynan qutylyp, aldaǵy shýaqty kúnderden úmittendirgen Naýryz merekesi Táýelsiz elimizdiń zor yqylaspen toılanatyn naǵyz halyqtyq sıpattaǵy saltanatyna aınaldy.
