2023 jyly nauryz aiynyŋ 16 jūldyzynda Almaty oblysynyŋ mädeniet, arhivter jäne qūjattama basqarmasyna qarasty «Almaty oblysynyŋ muzeiler bırlestıgı» MKQK-nıŋ filialy «Anaǧa qūrmet» muzeiınde Ūlystyŋ Ūly künı – Nauryz merekesıne arnalǧan «Nauryz – jaŋǧyrǧan salt-dästürler»atty merekelık mädeni-tanymdyq ıs-şara öttı.
Is-şarada merekelık konsert qoiylyp, Qydyr ata, Ūmai ana, Abylai han, Būqar jyrau jäne Töle bi, Qyzybek bi, Äiteke bi syndy bilerdıŋ obrazdarynan qūralǧan sahnalyq qoiylymdar ūsynyldy. Sonymen qatar ,qolöner şeberlerı būiymdarynyŋ körmesı körsetıldı. Merekelık şara ūlttyq, sporttyq-būqaralyq oiyndarmen jalǧasyp, sportşylar önerlerın körsettı.
Almaty oblysy muzeiler bırlestıgıŋ basşysy Anuar Ümbetaliev audan tūrǧyndary men qonaqtaryn qūttyqtap, söz söiledı.
- «Nauryz – jyl basy ǧana emes, būl eŋ aldymen ızgılık pen jaqsylyqtyŋ meiramy. Nauryz – ruhani tazaru men üilesımnıŋ, beibıtşılık pen berekenıŋ simvoly. İgı dästür boiynşa bız de jaŋa jyldan jaqsylyqtar men jaŋa jetıstıkter kütemız. Elımızdıŋ mereiın ösırıp, bar bolmysymyzdy aişyqtaityn qasiettı Nauryz merekesı ärbır otbasyna bırlık pen quanyş, qūt-bereke, baqyt pen molşylyq äkelsın! Elımızdegı tūraqtylyq tūǧyry bekemdelıp, baq-berekemız arta bersın! Ūlys oŋ bolsyn, aq mol bolsyn, aǧaiyn!»
Nauryz meiramyna orai «Anaǧa qūrmet» muzeiınıŋ alaŋyna kiız üi, ekı şatyr tıgılıp, merekenı tamaşalauǧa kelgen halyq nauryz köje, bauyrsaq, qymyz jäne basqa da qazaqtyŋ ūlttyq taǧamdarynan däm tatty. Kün men tünnıŋ teŋelıp, jan-dünienı tırıltken, şaruanyŋ bır maly ekeu bolyp, arqa-basy keŋıp, aqqa auzy tigen, qytymyr qystyŋ yzǧarynan qūtylyp, aldaǧy şuaqty künderden ümıttendırgen Nauryz merekesı Täuelsız elımızdıŋ zor yqylaspen toilanatyn naǧyz halyqtyq sipattaǧy saltanatyna ainaldy.
