QR Prezidentınıŋ janyndaǧy Memlekettık basqaru akademiiasynyŋ eks-bas ǧylymi qyzmetkerı, filosofiia ǧylymynyŋ kandidaty Janat Momynqūlovtyŋ oraza uaqytynda Nauryz merekesın toilaudy qūptamaityn jazbasy jelıde dau tudyrdy. Būl turaly ol Facebook paraqşasynda jazdy, dep habarlaidy “Adyrna” ūlttyq portaly.
Ol tıpten byltyrǧy su taqsyny oraza uaqytynda ūlttyq naqyşta kiınıp, ūlttyq merekenı qatty toilaudyŋ kesırınen boldy degenge saiatyn jazba qaldyrdy.
«Byltyr da bır ideologtar Nauryzdy Orazaǧa qarsy qoiǧan. Oraza kezınde Ūlttyq kiım fleşmobyn, pälenbai kün toilaimyz dep isteriia köterıp, orazamen jarysyp edı.. qatty toilady, ärbır künge tüsınıksız şara oilap tabyldy. Dınnıŋ bedelın tüsıru arqyly Ūltşyldyqty köteru», — dep jazdy QR Prezidentınıŋ janyndaǧy Memlekettık basqaru akademiiasynyŋ būrynǧy ǧylymi qyzmetkerı.
Janat Momynqūlovbūl jazbasyn belgılı jurnalist Aibar Oljaevtıŋ mälımdemesınen soŋ şyǧardy. Būǧan deiın Aibar Oljaev Nauryz merekesı dınnen, iaǧni orazadan joǧary degen edı. Ol oraza qūldardyŋ, Nauryz kök türıkterdıŋ, iaǧni erkın halyqtyŋ meiramy dep mälımdedı. Al saiasatker būl jazbany provokasiia dep baǧalady.
«Oraza kruche ili Nauryz? Dıni taqyrypta provokasiia jasau qauıptı. Qazaq pen İslamdy qarsy qoiu. Qūdai bar şyǧar, iä? Aiaǧy tragediia boldy. Byltyr Nauryz toilar kezde esterıŋde me, elımızdıŋ batysy men soltüstıgın su apaty basty. Berekemız ketıp, Ūlystyŋ Ūly künın toilai almadyq jöndı. Ekı merekenı qarsy qoiu jūrtty bölu tūrǧysynan qauıptı, salystyru dūrys emes. Qazekeŋder arazdasyp, bır-bırıne suyp, bırlıgı azaiady. Ärbır merekenıŋ öz mädeni-äleumettık orny bar. Ramazan aiy — ruhani erkındık aiy. Nauryz — Zoroastrizm zamanynan kele jatqan baiyrǧy meiramymyz. Biyl ekeuı tura tūspa-tūs kep tūr. Qatty ketpeuge şaqyramyn», — dedı Momynūlov.
Alaida qoǧam ökılderı filosoftyŋ oiymen kelıspei, qarsy şyqty.
«Auǧanstan emes, Qazaqstanda ömır sürıp jatyrmyz. Dıni diktatura jasau degen tas däuırınıŋ äŋgımesı ǧoi. Sosyn byltyr Nauryz toilaimyz degenımız üşın Alla jazalady degen pıkırıŋız endı tıptı… Qatty saiasilandyrudyŋ, saiasi astar ızdeudıŋ keregı joq. Ūlttyŋ tılıne, tarihyna imamsymaqtar qarsy şyǧyp jatqanda ünsız qalyp edıŋız…», — dep jauap qatty jurnalist Erjan Tölek.
Ǧalymi qyzmetker bola tūra su tasqyny ūlttyq naqyşta kiım kiiudıŋ kesırınen boldy dep jazǧan Momynqūlovty jelı oqyrmandary aiamai synǧa alyp jatyr.
«Sonda ūlttyq kiım kiıp fleşmob ötkızdık dep Alla jazalandyrdy ma?!», «Geologiia degen ülken ǧylym bar ǧoi. Byltyr jalpy älem boiynşa sel boldy. “Ūlttyq kiımge arnalǧan fleşmob jasady” dep jazalaityn Alla qandai Alla ol? Fleşmob jasasaq, öz ūltymyzdyŋ kiımın därıptedık. Būl öte tamaşa jaǧdai. Al, adamdardyŋ tärtıbı, davranışı, nietı būzyldy dep Alla jazalady degen dolbar, qiyspai qaldy» dep jazdy oqyrmandar.
Ūqsas jaŋalyqtar
