Almatyda alǧaş ret auqymdy City Makers: Jastar qalasy qalalyq qauymdastyqtar festivalı öttı.
Aşyq aspan astyndaǧy bıregei şaraǧa 7 000-nan astam körermen jinaldy. Sonymen qatar, 107 qauymdastyq pen 50-den astam jūmys beruşıler qatysyp, qala tūrǧyndary men qonaqtaryna öz bastamalary men äleumettık jobalaryn ūsyndy. Joba Almaty qalasy Jastar saiasaty basqarmasynyŋ qoldauymen jüzege asty.
City Makers – jastardyŋ bastamalaryn qoldauǧa, şyǧarmaşylyqty jäne salauatty ömır saltyn nasihattauǧa jäne jastar qauymdastyqtarynyŋ bırıguıne baǧyttalǧan jaŋa formattaǧy alaŋ. Mūnda qauymdastyqtar, mädeni bastamalar jäne qaladaǧy türlı ortalyqtar bas qosyp, täjıribe almasyp, jaŋa serıktestık bailanystar ornatty. Qatysuşylar üşın būl tek körme emes, sonymen bırge jan-jaqty netvorking alaŋy boldy. Festivalge kelgen jastar özderıne ūnaǧan baǧyttar boiynşa qauymdastyqtarǧa jazylyp, aldaǧy uaqytta belsendı müşesı boluǧa niet bıldırdı.
«Bız bügıngı şara arqyly qalamyzdaǧy eŋ belsendı qauymdastyqtardy bır alaŋǧa jinap, qala tūrǧyndaryna tanystyrudy maqsat ettık. Būl – Almaty jastarynyŋ äleuetın aşyp, olardyŋ qoǧamǧa qosyp jatqan ülesın keŋınen därıpteuge arnalǧan erekşe bastama. Osyndai jobalar arqyly azamattyq jauapkerşılıgı joǧary, şyǧarmaşyl ärı belsendı buyn qalyptasady», – dedı Almaty qalasy Jastar saiasaty basqarmasynyŋ basşysy Aziz Kajdenbek.
Festival baǧdarlamasy da erekşe boldy. Qonaqtar «Qamqorlyq daŋǧyly», «Tärtıp daŋǧyly», «Eko Town», «Şyǧarmaşylyq şaǧyn audany» syndy arnaiy aimaqtardy aralap, teatrlyq jäne muzykalyq qoiylymdardy tamaşalady. Sonymen qatar, şeberlık sabaqtaryna qatysyp, pıkırtalas alaŋdarynda özektı mäselelerdı talqylap, sporttyq oiyndarǧa qatysty. Äleumettık jäne ekologiialyq jobalardyŋ tanystyrylymdary körermenderge erekşe äser qaldyrdy.
Festival jastardy äleumettendırudıŋ tyŋ qūraly retınde de baǧalandy. Äsırese aimaqtardan Almatyǧa kelgen studentter qala ömırıne beiımdelıp, öz qyzyǧuşylyqtaryna säikes qauymdastyqtardy tauyp, jaŋa ortaǧa tez sıŋısu mümkındıgıne ie boldy. Būl bastama olardyŋ belsendılıgın arttyryp qana qoimai, ülken megapolistegı ömırge senımdı qadam basuyna jol aşty.
Festivalge qatysqan bırınşı kurs studentı Aidana Seiıtova: «Men Almatyǧa endı ǧana keldım. Bügın özıme qyzyq bırneşe qauymdastyq tauyp, jazylyp qoidym. Osyndai şarany ūiymdastyrǧa, ūiymdastyruşylarǧa erekşe alǧysymydy bıldıremın», – dep äserımen bölıstı.
City Makers: Jastar qalasy festivalı almatylyq jastardyŋ jıgerı men şyǧarmaşylyq äleuetın, olardyŋ qala ömırıne belsendı qatysyp, qoǧamnyŋ damuyna üles qosuǧa degen talpynysyn körsettı. Ūiymdastyruşylardyŋ aituynşa, aldaǧy uaqytta festival öz auqymyn keŋeitıp, jalǧasyn tabady.
