Áskerı shlemderdi Reseıge zańsyz áketpek bolǵan kúdikti ustaldy

2184
Adyrna.kz Telegram
Foto: Qostanaı oblystyq Memlekettik kirister departamentiniń baspasóz qyzmeti
Foto: Qostanaı oblystyq Memlekettik kirister departamentiniń baspasóz qyzmeti

«Qaıraq» avtomobıl ótkizý pýnkti arqyly Reseıge áskerı shlemder men taktıkalyq rıýkzaktardy alyp ótpek bolǵan kólik júrgizýshisi ustaldy. Bul týraly Qostanaı oblystyq Memlekettik kirister departamentiniń baspasóz qyzmeti málimdedi dep habarlaıdy “Adyrna” ulttyq portaly.

«Qostanaı oblystyq Memlekettik kirister departamenti men UQK Shekara qyzmetiniń birlesken áreketimen «Gazel» markaly kóliktiń júk bóliginen áskerı shlemder men taktıkalyq rıýkzaktar tabyldy. Tasymaldaý muqaba taýarlaryn qoldana otyryp júzege asyrylǵan. Taýarlarǵa ilespe qujattamada taýarlar týraly málimetter joq. Júgi bar kólik ótkizý pýnktiniń aýmaǵynda bolady. Taýarlardyń shyǵý tegin jáne áketýge qatysy bar tulǵalardy anyqtaý boıynsha sharalar qabyldanady», - delingen habarlamada.

Departament málimeti boıynsha, mán-jaılar anyqtalǵan soń, bul áreketke qatysy bar adamdar jaýapqa tartylyp, júk memleket paıdasyna tárkilenedi.

Pikirler