Syr jastary saılaýda belsendi bolýǵa úndeıdi

1459
Adyrna.kz Telegram

19 naýryz kúni elimiz úshin asa mańyzdy saıası naýqan – Qazaqstan Respýblıkasy Parlamenti Májilisi men máslıhattary depýtattarynyń kezekten tys saılaýy ótpek. Bul kúngi saıası proess el azamattary úshin demokratııanyń kórinisi ǵana emes, úmit pen senimge, jaqsylyq pen jasampazdyqqa jeteleıtin kezeń. Bul kún, ásirese, jastarǵa, jaýapkershilik artyp, belsendi bolýǵa, memlekettik múdde jolynda qyzmet etýge úndeıtini anyq.

Osy rette, Syr jastary «#MenSaılaýǵaBaramyn» heshtegimen áleýmettik jelilerde jastardy saıası naýqanǵa belsendi bolýǵa shaqyrý akııasyn ótkizýde. Jastar akııasyna qala jáne aýdan jastary qatar ún qosyp, saılaýǵa baratynyn ári memlekettiń jańa kezeńge, jarqyn bolashaqqa bastar sáti úshin tikeleı múddelestik tanytatynyn aıtyp, jazba qaldyrýda.

Osyndaı jastardyń arasynda Syr óńirine belgili jas aqyn Aıdar Saılaýov ta bar. Aıdar barsha jasty daýys berýge biraýyzdan qatysyp, el úshin mańyzdy sheshimdi birge qabyldaýǵa shaqyrdy.

- Jańashyldyqqa bet alǵan elimizde kez kelgen saıası naýqanǵa jastar salǵyrt qaramasa deımin. Naýryz aıyn – barsha jaqsylyqtyń, yntymaqtyń, bereke men birliktiń bastaýy retinde qabyldaımyz. 19 naýryzda ótetin saılaý da osy dúnıege negizdelse kerek. Sondyqtan barsha zamandastarymdy, jastardy, dostarymdy saılaýǵa shaqyramyn, daýys berińizder, óz pozıııańyzdy qorǵańyzdar, - deıdi jas aqyn.

Syr jastary saılaýaldy belsendilik tanytyp qana qoımaı, mańyzdy kúndi meılinshe joǵary deńgeıde ótkizýge atsalysýǵa daıyn. Oblystyq «Jastar resýrstyq ortalyǵy» janynan qurylǵan «Aqıqat» debat klýbynyń jetekshisi, belsendi jas Aıjan Orynbasar da stýdent-jastardy óz tańdaýyn jasaýǵa shaqyrýda.

- Siz bul kúnde, bul sátte daýys berýmen shektelmeısiz, Siz bolashaǵyńyzǵa batyl qadam jasaısyz. Qandaı memlekette ómir súrgińiz keledi, qalaı ómir súrgińiz keledi, bolashaqty, ulttyń taǵdyryn qalaı eletetesiz, soǵan qaraı áreket qylyńyz. Daýys berý ǵana emes, sizden ulttyń ary qaraıǵy damýy men dańǵyl jolyn aıǵaqtaıtyn mańyzdy sheshim qabyldaýdy kútedi. Elimizdiń árbir jas býyny ózine artylǵan osy bir jaýapkershilikti adal arqalasa, bári jaqsy bolmaq, - deıdi jas pikirsaıysshy.

Osylaısha qoǵamnyń qozǵaýshy kúshi jas býyn qatarlastaryn berilgen múmkindikti utymdy paıdalanyp, el taǵdyryna ún qosýǵa shaqyrady.

"Adyrna" ulttyq portaly 

Pikirler