"Qutty qazaqtyń oshaǵy Otpan taýda ot tutanǵan kún!" - Amal merekesi halyqaralyq deńgeıde toılanyp jatyr

2384
Adyrna.kz Telegram
Ulttyq Amal merekesi halyqaralyq deńgeıde toılanyp jatyr. Kıiz týyrlyqty, qarǵa tamyrly qazaqtyń kıeli oshaǵy - Otpan taýda  "Birlik oty" tutandy, dep súıinshileıdi "Adyrna" ulttyq portaly. 
Otpan taýda tutanǵan alaý jaıly "Mangystau Media" habarlady.
- Mańǵystaýda Amal merekesi halyqaralyq deńgeıde toılanýda. Mańǵystaý halqynyń kópshiligi jyl saıyn Amal meıramyn Otpan taýda qarsy alady. Adaı ata urpaqtary ár jylda bir-birine estafeta jalǵap, kezegimen uıymdastyratyn úlgili úrdiske aınaldy.
Sol úrdis boıynsha búgin Otpantaýda “Birlik oty” jaǵyldy. Eki kúnge jalǵasqan sharanyń qyzyǵy erteń, 14 naýryzda bastalady, - dep jazdy agenttik.
Amal merekesin Qazaq halqy erekshe sıpatta qarsy alady. Aqyn Sabyr Adaı Kórisý kúniniń qundylyǵy jaıly:
 «Týysqa týys ergen kún,
Kerbezdep keýde kergen kún.
Birligin kórip halyqtyń,
Otpan taý tórin bergen kún», - dep tatýlyq týyn bıiktetken Amal merekesiniń taǵylymyn jyrǵa qosqan.
Amal merekesiniń mańyzyn eselep, mánin ashqan halyqaralyq deńgeıdegi ıgi bastama aıasynda teatrlanǵan qoıylym, konerttik baǵdarlama, kókpar shabý, alaman báıge, ózge de sharalardy tamashalaı alasyzdar.
"Adyrna" ulttyq portaly
Pikirler