Aqtaýda ózin-ózi órtep jibergen azamatpen birge jumys istegen áriptesteri bolǵan jaǵdaıdy túsindirdi, dep habarlaıdy "Adyrna" ulttyq portaly Ulysmedıaǵa siltep.
Jelide taraǵan beınede ákimdikke aryzdanýshylar birneshe adam bolǵanyn kórýge bolady. Seriktestik qyzmetkerleri aıtqandaı, olardyń ótinishterin aýdan ákimi tyńdamaǵan. Olar da «QazMunaıGazǵa» jumysqa turýǵa ótinish bildirgen.
Al 5 jeltoqsanda olar oblys ákimdiginiń sheneýnikterine Astanadaǵy joǵary turǵan organdarǵa shaǵymdanatyndaryn eskertken. Keıinnen ótinishi ákim qulaǵyna jetpegen turǵyn ózin-ózi órtep jibergen.
“Biz jaǵdaıdyń bulaı ózgeretinin kútken joqpyz. Oqıǵaǵa ókinemiz. Týǵan-týystarynan da keshirim suraımyz”, - deıdi zardap shekken azamattyń áriptesteri.
Jábirlenýshiniń qazirgi jaǵdaıy áli de óte aýyr kúıde.
Aıta keteıik, 5 jeltoqsan kúni Mańǵystaý oblysy ákimdigi ǵımaratynyń janynda er adam ózin-ózi órtegenin habarlaǵan bolatynbyz.
