Astanada 76 jastaǵy zeınetker "Sýper áje-2023" baıqaýynyń jeńimpazy atandy. Elorda ákimdigi resmı baıqaýǵa barlyǵy 63 pen 76 jas aralyǵyndaǵy 10 áıel qatysqanyn jetkizdi, dep habarlaıdy “Adyrna” ulttyq portaly.
Baıqaýǵa qatysýshylar arasynda joǵary sanatty ustazdar men dárigerler, halyq horynyń ánshileri jáne respýblıkalyq eriktiler qozǵalysyna qatysýshylar bolǵan.
Ájeler bar ónerleri men aspazdyq qyrlaryn kórsetip, ulttyq bıler men vokaldyq nómirlerdi oryndady. Baıqaý qorytyndysy boıynsha Kúlpash Qalqabekova jeńiske jetip jeńimpaz táji men 100 myń teńgelik sertıfıkatqa ıe boldy.
"Uıymdastyrýshylar men qatysýshylarǵa osyndaı baıqaý úshin úlken rahmet. Olarǵa jeńimpazdy tańdaý qıyn bolǵany sósiz. Biz bárimiz belsendi, kóńildi jandarmyz. Men ansamblde án aıtamyn, bı úıirmesine baramyn. Jarysqa qatysýǵa qoldaý kórsetken, senim bildirip, kómektesken otbasyma alǵys aıtamyn. Barlyq ata-ájeni úıde otyrmaı, belsendi bolýǵa shaqyramyn", - dedi Kúlpash Qalqabekova.
Sharany uıymdastyrýshy Valentına Tolmachevanyń aıtýynsha, mundaı baıqaýlar tek ájelerge ǵana emes, jastarǵa da qajet.
"Olarǵa qarap, ájelerdiń de belsendilik tanyta alatynyn túsinýge bolady. Búgingi qatysýshylar basqa zeınetkerlerge úlgi", - dedi uıymdastyrýshy.
Aıta keteıik, "Sýper áje-2023" baıqaýy Astanada alǵash ret ótti.
