Astanada órtsóndirýshi Asqar Zabıkýlınniń eskertkishi ashyldy

1047
Adyrna.kz Telegram
foto: Astana ákimdiginiń baspasóz qyzmeti
foto: Astana ákimdiginiń baspasóz qyzmeti

Astanada órtsóndirýshi Asqar Zabıkýlınniń bıýsti ornatyldy. Bul týraly Astana ákimdigi jarııalady, dep habarlaıdy «Adyrna» ulttyq portaly.

Astana TJD málimetinshe, № 6 Mamandandyrylǵan órt sóndirý bóliminiń aýmaǵynda erlikpen qaza tapqan elordalyq órt sóndirýshi Asqar Zabıkýlınniń qurmetine eskertkishtiń saltanatty ashylýy ótti.

Eskertkishtiń ashylý sharasyna Qazaqstan Respýblıkasynyń Tótenshe jaǵdaılar mınıstri Syrym Sháriphanov, elorda ákimi Jeńis Qasymbek, garnızon basshylyǵy men jeke quramy, azamattyq qorǵaý organdarynyń ardagerleri, Asqardyń týystary men jaqyndary qatysqan.

"Árbir adamnyń ómiri baǵa jetpes qundy, memlekettiń strategııasy eń aldymen azamattardy qorǵaýǵa, tótenshe jaǵdaılardyń aldyn alýǵa jáne joıýǵa baǵyttalǵan. Sol sebepti qutqarýshylar men órt sóndirýshilerdiń eńbegi asa mańyzdy bolyp tabylady. Bul eskertkish – Asqardyń ójettiginiń, janqııarlyǵy men adaldyǵynyń belgisi. Búgin bizdiń kóńilimiz túsip qaıǵyryp, sonymen qatar, barlyǵymyz úshin úlgi bolatyn erlikke degen sheksiz qurmetpen pen tańdanýǵa kýá bolyp turmyz. Onyń jasaǵan erligi azamattarymyzdyń qaýipsizdigi jolyndaǵy kúreste bizderge kúsh pen qýat beretin úlgi bolsyn. Asqar Zabıkýlın bizdiń áriptesimiz ǵana emes, súıikti ul, jar jáne áke boldy jáne onyń ómirden ótýi bizdiń júregimizge jazylmas jara saldy. Biz ony árqashan eńbekqor, aqyldy jáne súıispenshilikke toly adam retinde este saqtaımyz", - dedi Syrym Sháriphanov óz sózinde.

Eskertkish taqtadan aq jamylǵyny alyp tastaǵannan keıin, jınalǵandar memorıalǵa gúl shoqtaryn qoıyp, bir mınýt únsizdikpen eske aldy.

Bıiktigi úsh metr bolatyn eskertkishte Askardyń bıýsti qoladan, al tómengi bóligi mármárdan jasalǵan.

 

Posmotret etý pýblıkaııý v Instagram

 

Pýblıkaııa ot ADYRNA.KZ - Jańalyqtar (@adyrna.kz)

 

«Adyrna» ulttyq portaly

Pikirler