Astanadaǧy Billi Djin King kubogynyŋ ırıkteu kezeŋı aiasynda Qazaqstan - Polşa matchynda elımızdıŋ bırınşı, älemnıŋ jetınşı raketkasy Elena Rybakina qarsylasyn jeŋdı, dep habarlaidy “Adyrna” ūlttyq portaly.
Alǧaşqy kezdesude qazaqstandyq tennisşı älemnıŋ on toǧyzynşy raketkasy Magda Linetpen şeberlık baiqasty.
Keşe 2:0 esebımen alǧa şyqqandyqtan, Qazaqstan qūramasyna komandalyq älem chempionatyna joldama alu üşın endı bır ǧana jeŋıs jetkılıktı edı.
Bırınşı partiiada esep 4:4 bolǧan mezette E. Rybakina breik jasap, sosyn setke dop bergende, öz mümkındıgın jıbergen joq – 6:4.
Ekınşı sette qazaqstandyq sportşy 2:0 esebımen alǧa ketkenımen, M. Linett tarazy basyn teŋestırdı. Degenmen, Elena qaita breik jasap, öz geimın aldy – 4:2. Taǧy bır breik – 5:2. Sodan keiın bırınşı matchbolyn paidalana bıldı – 6:2.
Osylaişa, Qazaqstan Polşamen matchta 3:0 esebımen alǧa şyǧyp, älem chempionatynyŋ finaldyq kezeŋıne joldama aldy.
Ūqsas jaŋalyqtar
