Astanadaǵy Bıllı Djın Kıng kýbogynyń irikteý kezeńi aıasynda Qazaqstan - Polsha matchynda elimizdiń birinshi, álemniń jetinshi raketkasy Elena Rybakına qarsylasyn jeńdi, dep habarlaıdy “Adyrna” ulttyq portaly.
Keshe 2:0 esebimen alǵa shyqqandyqtan, Qazaqstan quramasyna komandalyq álem chempıonatyna joldama alý úshin endi bir ǵana jeńis jetkilikti edi.
Birinshi partııada esep 4:4 bolǵan mezette E. Rybakına breık jasap, sosyn setke dop bergende, óz múmkindigin jibergen joq – 6:4.
Ekinshi sette qazaqstandyq sportshy 2:0 esebimen alǵa ketkenimen, M. Lınett tarazy basyn teńestirdi. Degenmen, Elena qaıta breık jasap, óz geımin aldy – 4:2. Taǵy bir breık – 5:2. Sodan keıin birinshi matchbolyn paıdalana bildi – 6:2.
Osylaısha, Qazaqstan Polshamen matchta 3:0 esebimen alǵa shyǵyp, álem chempıonatynyń fınaldyq kezeńine joldama aldy.
