Ádilet mınıstrligi depýtattardyń shaǵymynan keıin kólikti uzaq qyzdyrý normasyn qaıta qarastyrmaq, dep habarlaıdy "Adyrna" ulttyq portaly.
Bul týraly Senat kýlýarynda Ádilet vı-mınıstri Botagóz Jaqselekova málimdedi.
Jaqselekovanyń sózinshe, atalǵan másele vedomstvoaralyq komıssııada qaralatyn bolady. Al onyń quramynda tek tıisti memlekettik organdar ǵana emes, sondaı-aq depýtattar da bolady.
"Eger depýtattyq suraý osy taqyrypta túsken bolsa, bul másele anyqtalyp talqylanady. Qosymsha nátıjeler qaraý qorytyndysy boıynsha habarlanady", - vıe-mınıstr Botagóz Jaqselekova.
Májilistiń jalpy otyrysynda depýtattar aıazdy ýaqytta kólikti 5 mınýttan artyq jylytýǵa salynatyn aıyppuldardy qaıta qaraýdy suraǵan. Oǵan sebep - aýa raıynyń sýyqtyǵy.
Qazaqstan Respýblıkasynyń Jol júrisi erejeleriniń 88-baby 5-tarmaǵyna sáıkes eldi mekenderde qozǵaltqyshy qosýly kólikterdiń turýy, eger ol turǵyndarǵa qolaısyzdyq týǵyzsa, tyıym salynady.
Bul talapty buzǵan kólik júrgizýshilerine 5 aılyq eseptik kórsetkish (AEK) mólsherinde aıyppul salynady.
