13 jyldan keıin jandanǵan Astanadaǵy barlyq LRT qurylysynyń tirekteri ornatyldy, dep habarlaıdy “Adyrna” ulttyq portaly.
«Tirekterdiń qurylysy 100% aıaqtaldy», - dedi City Transportation Systems.
2,5 myń adam 22 shaqyrymdyq LRT poıyz jolyna tirek bolatyn 799 tirek turǵyzyp bitkeni aıtyldy.
«Olardy toltyrýǵa 53,7 myń tekshe metr beton jáne 42 myń tonna armatýra jumsaldy. Tirektiń tómengi bóliginiń eni 2-2,4 metr, ústińgi bóligi 6,8 metr, bıiktigi trassanyń relefine baılanysty 5-ten 18 metrge deıin ózgeredi, bir tirektiń ortasha salmaǵy 200 tonnany quraıdy», - delingen habarlamada.
Qurylys 2011 jyly bastaldy, jospar boıynsha 2020 jyly salynyp bitedi delingen, biraq merzimderi ózgerip, keıin sybaılas jemqorlyq isterine baılanysty joba tolyǵymen toqtap qalǵan. 2023 jyly Toqaevtyń tapsyrmasynan keıin qurylys jandana bastady. Josparǵa sáıkes, LRT 2026 jyly tolyqtaı iske qosylady dep ýáde etilgen.
