Qazaqstan prezidentı Qasym-Jomart Toqaev pen Özbekstan prezidentı Şavkat Mirziioev video bailanys arqyly ekı el arasyndaǧy bırlesken jobalardy ıske qosu räsımıne qatysty, dep habarlaidy "Adyrna" ūlttyq portaly.
Būl turaly Aqorda jazdy.
Taraptar önerkäsıp, qūrylys, mūnai-gaz himiiasy, qarjy, logistika jäne turizm salalarynda jalpy qūny 1,2 milliard dollar bolatyn 7 joba äzırlegen. Memleket basşylary simvolikalyq tüimenı basyp, jobalardyŋ ıske qosyluyn resmi türde jariialady.
Jobalar aiasynda Syrdariia jäne Türkıstan oblystarynda «Ortalyq Aziia» Halyqaralyq önerkäsıp kooperasiiasy ortalyǧy aşyldy. Taşkentte «Tenge Bank» bas keŋsesı qyzmetıne kırıstı, Taşkent oblysynda köpbeiındı logistika ortalyǧy qūrylysyn bastau josparlanuda.
Sondai-aq, jaŋa Taşkentte «Astana» tūrǧyn üi oramy jäne «Astana» qonaq üiı salynady, Qaşqadariia oblysynda alkilbenzol öndıretın mūnai-gaz himiiasy keşenı ıske qosylmaq.
Al elordalyq aumaqta «Taşkent» qonaq üiınıŋ qūrylysy bastaldy.
Būl bastama ekı el arasyndaǧy ekonomikalyq bailanystardy nyǧaituǧa, investisiialyq jobalardy damytuǧa jäne öŋıraralyq yntymaqtastyqty keŋeituge baǧyttalǧan.
