Foto: © www.globallookpress.com/Oleksandr Rupeta/ZUMAPRESS.com
İranmen qaqtyǧys barysynda qaza tapqan AQŞ äskeri qyzmetşılerınıŋ sany Pentagon jariialaǧan resmi mälımetten joǧary boluy mümkın, dep habarlaidy “Adyrna”.
Būl turaly The Washington Post aitty.
Basylymnyŋ mälımetınşe, Pentagonnyŋ aşyq derekqorynda 18 äskeri qyzmetşınıŋ qaza tapqany körsetılgen. Alaida AQŞ-tyŋ bes şeneunıgı naqty şyǧyn kemınde 22 adamdy qūraitynyn aitqan. Taǧy bır şeneunık qaza tapqandar sany 23 adam boluy mümkın ekenın mälımdegen.
Derekközderdıŋ aituynşa, Pentagonda Taiau Şyǧystaǧy qosymşa adam şyǧynynyŋ vedomstvonyŋ resmi derekqorynda körsetılmeuıne bailanysty narazylyq bar.
Sonymen qatar jariialanǧan mälımetterge säikes, qaqtyǧys bastalǧaly berı 820-dan astam amerikalyq äskeri qyzmetşı jaralanǧan.
Pentagon ökılderı BAQ-qa qaza tapqandar sanyna qatysty sūraqtaryna älı tüsınıkteme bermegen.
