Ekonomıst Maqsat Halyq Jarkenttegi taksı júrgizýshileriniń úndeýine qatysty pikir bildirdi. Ol pikirin ınstagram paraqshasyna jarııalady, dep habarlaıdy "Adyrna" ulttyq portaly.
Onyń aıtýynsha, Jarkent - depresıvti aımaqtyń qataryna kiredi.
"Kesheli beri estip jatqan taksıst azamattarymyzdyń úndeýine qatysty ártúrli pikir bolyp jatyr. Meniń ekonomıst-sarapshy retinde retinde aıtar sózim bar. Eger esterińizde bolsa, osydan biraz jyl buryn Masanchıde bolǵan jaǵdaı, onyń aldynda Molovodnyıda bolǵan jaǵdaılar. Ne sebepten ondaı máseleler týyndaıdy?
Birinshi kezekte Jambyl óńirinde ortasha jalaqy sol ýaqytta eń tómen bolatyn. Iaǵnı, depressıvti aımaq. Qazir Almaty oblysy men Jetisý oblysyn bólgennen keıin, Jetisý óńiri depressıvti aımaqqa aınaldy. Bul óńirde halyqtyń tabysy Respýblıka boıynsha salystyrǵan kezde, eń tómen bolyp tabylady.
Sondyqtan da taksıst baýyrlarymyzdyń sóziniń jany bar ekendigin aıtqym keledi. Sebebi, bul birinshi kezekte, áleýmettik jaǵdaımen baılanysty. Erteń osy óńirde de ultaralyq qaqtyǵystar bolyp jatsa, tań qalmańyzdar. Mundaı jerlerdi, depressıvti aımaqtardy aıqyndap, sol óńirlerde halyqtyń tabysyn arttyrýǵa memleket basa nazar aýdarý kerek. Áleýmettik jaǵdaıdy kóterýge, memleketten bólinetin arnaıy qarajat jaǵy bolsyn, press-konferenııalar jaǵy bolsyn birinshi kezekke qoıý kerek. Sol kezde ǵana óńirlerde áleýmettik teńdik ornaıdy. Halyqtyń jaǵdaıy óńir aralyq ártúrli bolmaı jáne belgili bir dárejede eldiń damýyna óziniń úlesin qosatyn bolady. Osy máseleni bizdiń shendiler esinde ustaıdy dep oılaımyn", - dedi ekonomıst.
Eske salaıyq, keshe Jarkent qalasyndaǵy bir top kólik júrgizýshiler qalaǵa syrttan kelip kisi tasıtyndardy kirgizbeıtinin, "arty qantógiske ulasýy múmkin" ekendigin aıtyp, málimdeme jasaǵn bolatyn.