Bır kün būryn pilottyq rejimde äkım sailauy ötken audandar men oblystyq maŋyzy bar qalalardyŋ basym köpşılıgınde oblystyq sailau komissiialary jariialaǧan sailau nätijelerıne säikes, qazırgı äkımder men olardyŋ orynbasarlary qaita jeŋıske jetken, dep habarlaidy “Adyrna” ūlttyq portaly vlast.kz saityna sılteme jasap.
Sailau nätijesınde, 29 audan men oblystyq maŋyzy bar qalada qyzmet basyndaǧy äkımder jeŋıske jetse, Aqmola oblysynyŋ bır audanynda sol oblystyŋ ekınşı audanynda qyzmet atqaryp jürgen äkım jeŋıske jettı. Taǧy 12 audan men qalada qazırgı äkım orynbasarlary jeŋıske jettı.
Tek ekı audanda – Aqmola oblysynyŋ Esıl jäne Türkıstan oblysynyŋ Bäidıbek audandarynda käsıpkerler äkım boldy. Taǧy ekı audanda – Türkıstan oblysynyŋ Şardara audany men Atyrau oblysynyŋ İsatai audanynda audandyq mäslihattardyŋ qazırgı töraǧalary äkım bolyp sailandy.
Sailau ötkızılgen 45 audan men oblystyq maŋyzy bar qalanyŋ ekeuınde ǧana – Aqmola oblysynyŋ Jaqsy audanynda jäne Soltüstık Qazaqstan oblysynyŋ Mamliut audanynda äielder äkım bolyp sailandy.
Ortalyq sailau komissiiasynyŋ mälımetı boiynşa, sailauǧa qatysudyŋ ortaşa körsetkışı sailauşylardyŋ 62,8 paiyzyn qūrady. Eŋ az dauys beru körsetkışı Maŋǧystau oblysynda – 28,96 paiyz, eŋ joǧary körsetkış Qyzylorda oblysynda – 74,29 paiyz boldy.
Qazaqstanda audandar men oblystyq maŋyzy bar qalalar äkımderınıŋ sailauy pilottyq, iaǧni synaqtyq rejimde öttı jäne osyndai aumaqtyq bırlıkterdıŋ törtten bır bölıgın qamtydy. Būl rette millionnan asatyn qalalardyŋ audanynda – Astana, Almaty jäne Şymkentte sailau ötken joq.
