Jurnalist Nūrsūltan Qūrman Parlamentten ümıttıler arasynda debat ūiymdastyrmaq. Ol būl turaly özınıŋ Instagram paraqşasynda aitty, dep habarlaidy “Adyrna” ūlttyq portaly.
Aituynşa, alǧaşqy debat 28 aqpan künı bolady.
“Sailauǧa bailanysty ügıt-nasihattar bastalyp kettı. Menıŋ iutub arnam tamaşa mümkındık berıp otyr: arnaiy debat ūiymdastyramyn. Tıkelei efirde bolady, 7 bırdei partiianyŋ ökılderı bolady. Parlamentten ümıttı ärtürlı bölımderge böldım. Üş türlı taqyrypty aldym: auyl, mädeniet, jastar. Alǧaşqy pıkırsaiys 28 aqpanda bolady. Qai jerde bolatynyn aldyn-ala aitamyn”,- dedı jurnalist.
Sondai-aq, ol debattyŋ reglamentterın de tanystyra kettı.
“Debattyŋ reglamentı:
1 raund. «Tanystyru». Berılgen taqyryp aiasynda partiianyŋ sailaualdy baǧdarlamasyn 30 sekund ışınde aityp şyǧu.
• Basqaşa aitqanda, bır storizdıŋ uaqyty. Auylǧa qatysty partiianyŋ qandai ūsynystary bar ekenın 30 sekundta aituǧa bolady dep oilaimyn. Qyzyl sözdıŋ qajetı joq, qysqalyq – naqtylyq.
2 raund. «Blis-sualnama». Är spikerge 1 minut berıledı. Moderator retınde men ärqaisysyna taqyryp aiasynda sūraqtar qoiamyn, 1 minutta barynşa köp sūraqqa mazmūndy jauap beru kerek.
3 raund. «Ping-pong». Debatqa qatysuşylardyŋ ärqaisysy qarsylasyna taqyryp aiasynda 1 sūraq qoiyp, özıne qoiylǧan 1 sūraqqa jauap beredı. Jerebe tartpaimyz, qai partiia ökılı kımge sūraq qoiǧysy keledı – öz erkı. Ädıldık üşın barlyǧyna bırdei mümkındık beremız. Sūraq qoiuǧa 30 sekund – jauap beruge 30 sekund qana berıledı.
4 raund. «Qysqa-nūsqa». Būl raundta moderator retınde men är debaterge taqyryp aiasynda 4 sūraq qoiamyn, är sūraqqa jauap beruge 15 sekund qana uaqyt berıledı.
5 raund. «Blis-ündeu». Är spikerge debatty qorytyp, sailauşyǧa ündeu jasau üşın 20 sekund berıledı.
Mäselenı tötesınen qoiyp, naqty şeşımın aitatyn saiasatkerlerdıŋ zamany tudy!
ESKERTU. Är debat belgılı bır taqyrypqa arnalatyn bolǧandyqtan, uaqytty tiımdı paidalanu üşın spikerlerge bekıtılgen taqyryp aiasynda söileuge keŋes beremın”,- dep jazdy Nūrsūltan Qūrman.
