Jýrnalıst Nursultan Qurman Parlamenttik saılaýǵa úmitkerler arasynda debat uıymdastyrmaq

2255
Adyrna.kz Telegram
Foto: egemen.kz
Foto: egemen.kz

Jýrnalıst Nursultan Qurman Parlamentten úmittiler arasynda debat uıymdastyrmaq. Ol bul týraly óziniń Instagram paraqshasynda aıtty, dep habarlaıdy “Adyrna” ulttyq portaly.

Aıtýynsha, alǵashqy debat 28 aqpan kúni bolady.

“Saılaýǵa baılanysty úgit-nasıhattar bastalyp ketti. Meniń ıýtýb arnam tamasha múmkindik berip otyr: arnaıy debat uıymdastyramyn. Tikeleı efırde bolady, 7 birdeı partııanyń ókilderi bolady. Parlamentten úmitti ártúrli bólimderge bóldim. Úsh túrli taqyrypty aldym: aýyl, mádenıet, jastar. Alǵashqy pikirsaıys 28 aqpanda bolady. Qaı jerde bolatynyn aldyn-ala aıtamyn”,- dedi jýrnalıst.

Sondaı-aq, ol debattyń reglamentterin de tanystyra ketti.

“Debattyń reglamenti:

1 raýnd. «Tanystyrý». Berilgen taqyryp aıasynda partııanyń saılaýaldy baǵdarlamasyn 30 sekýnd ishinde aıtyp shyǵý.

• Basqasha aıtqanda, bir storızdiń ýaqyty. Aýylǵa qatysty partııanyń qandaı usynystary bar ekenin 30 sekýndta aıtýǵa bolady dep oılaımyn. Qyzyl sózdiń qajeti joq, qysqalyq – naqtylyq.

2 raýnd. «Blı-sýalnama». Ár spıkerge 1 mınýt beriledi. Moderator retinde men árqaısysyna taqyryp aıasynda suraqtar qoıamyn, 1 mınýtta barynsha kóp suraqqa mazmundy jaýap berý kerek.

3 raýnd. «Pıng-pong». Debatqa qatysýshylardyń árqaısysy qarsylasyna taqyryp aıasynda 1 suraq qoıyp, ózine qoıylǵan 1 suraqqa jaýap beredi. Jerebe tartpaımyz, qaı partııa ókili kimge suraq qoıǵysy keledi – óz erki. Ádildik úshin barlyǵyna birdeı múmkindik beremiz. Suraq qoıýǵa 30 sekýnd – jaýap berýge 30 sekýnd qana beriledi.

4 raýnd. «Qysqa-nusqa». Bul raýndta moderator retinde men ár debaterge taqyryp aıasynda 4 suraq qoıamyn, ár suraqqa jaýap berýge 15 sekýnd qana ýaqyt beriledi.

5 raýnd. «Blı-úndeý». Ár spıkerge debatty qorytyp, saılaýshyǵa úndeý jasaý úshin 20 sekýnd beriledi.

Máseleni tótesinen qoıyp, naqty sheshimin aıtatyn saıasatkerlerdiń zamany týdy!

ESKERTÝ. Ár debat belgili bir taqyrypqa arnalatyn bolǵandyqtan, ýaqytty tıimdi paıdalaný úshin spıkerlerge bekitilgen taqyryp aıasynda sóıleýge keńes beremin”,- dep jazdy Nursultan Qurman.

Pikirler