Jurnalist Vadim Boreiko äleumettık jelıde taraǧan jalǧan aqparatqa bailanysty polisiiaǧa şaǧymdandy, dep habarlaidy "Adyrna" ūlttyq portaly "Azattyq radiosyna" sıltep.
Tanymal jurnalist, "Giperborei" YouTube-arnasynyŋ avtory Vadim Boreiko özı turaly jalǧan aqparat taratqandardy jauapqa tartudy talap etıp, Bostandyq audandyq polisiia basqarmasyna şaǧym tüsırdı.
Äleumettık jelıde "Boreiko äielın ūryp-soǧyp, qoǧamdyq tärtıptı būzdy" degen feik aqparat taraǧan. Alaida Almaty qalalyq polisiiasy būl aqparatty joqqa şyǧaryp, onyŋ şyndyqqa säikes kelmeitının rastady.
"Jurnalist Vadim Boreikonyŋ ūstalǧany turaly aqparat jalǧan. Azamattardy resmi derekközderge süienuge jäne jalǧan aqparat taratpauǧa şaqyramyz", – dep habarlady polisiia departamentı.
Boreiko būl feik mälımet Facebook-ta Alzhan Ismagulov pen Roman Ulanov esımdı qoldanuşylardyŋ paraqşasynda jariialanǧanyn aitty. Ol Telegram-arnasynda Ulanov jariialaǧan "qūjattyŋ" feik ekenın jäne onda jyl men basqa da mälımetterdıŋ dūrys jazylmaǧanyn atap öttı.
Boreiko polisiiaǧa şaǧymyn tapsyrǧan kezde feik jazbalardyŋ skrinşottary men videojazbalaryn qosymşa dälel retınde ūsynǧan. Ol jazba avtorlaryn "jalǧan aqparat taratu" baby boiynşa jauapqa tartudy talap ettı.
Osydan keiın Ulanov pen Ismagulov öz jazbalaryna tüsınıkteme berdı. Ulanov Boreikony kommentarii üşın belgılegenın aitsa, Ismagulov "aqparatty täuelsız ekı derekközden alǧanyn" jazdy.
Aita keteiık, Vadim Boreikoǧa alǧaş ret qysym jasaluy emes. 2023 jyly belgısız bıreuler onyŋ päter esıgın köbıkpen jauyp, beineoperator Roman Egorovtyŋ kölıkterın örtep ketken.
Ūqsas jaŋalyqtar
