Qazaqstan Respublikasy Ükımetınıŋ qaulysymen Jaiyq Serıkqaliūly Şarabasov QR oqu-aǧartu vise-ministrı bolyp taǧaiyndaldy. Būl turaly QR Ükımetınıŋ baspasöz qyzmetı jariialady, dep habarlaidy "Adyrna".
Jaiyq Şarabasov 1980 jyly Batys Qazaqstan oblysynyŋ Oral qalasynda düniege kelgen. M. Ötemısov atyndaǧy Batys Qazaqstan memlekettık universitetın, QR Prezidentı janyndaǧy Memlekettık basqaru Akademiiasyn jäne Uorik universitetın (Ūlybritaniia) bıtırgen
Eŋbek jolyn 2003 jyly jeke qūrylymda bastaǧan.
2004–2006 jyldary — Batys Qazaqstan oblysy Işkı saiasat departamentınıŋ ärtürlı bölımderınde bas mamannyŋ mındetın atqaruşy, bas maman lauazymdaryn atqardy.
2006 jyldan 2010 jylǧa deiın — QR Ädılet ministrlıgı Dın ısterı komitetınıŋ Taldau jäne aqparattyq-nasihattau jūmysy bölımınıŋ bas mamanynyŋ mındetın atqaruşy, bas mamany.
2010–2012 jyldary Dın ısterı komitetı, Dıni bırlestıktermen jūmys basqarmasynyŋ 1-sanattaǧy sarapşysy bolyp jūmys ıstedı.
2012 jyly — QR Dın ısterı agenttıgınıŋ Dıni bırlestıktermen bailanys basqarmasynyŋ bas sarapşysy.
2012–2013 jyldary — QR Ekonomikalyq damu jäne sauda ministrlıgınde, keiınırek QR Ekonomika jäne biudjettık josparlau ministrlıgınde bas sarapşy.
2013–2014 jyldary — QR Öŋırlık damu ministrlıgınıŋ Aqparattyq qauıpsızdık, mobilizasiialyq jūmys jäne azamattyq qorǧanys basqarmasynyŋ basşysy.
2014–2016 jyldary — QR Ūlttyq ekonomika ministrlıgı Öŋıraralyq yntymaqtastyq, taldau jäne öŋırlerdı baǧalau departamentı direktorynyŋ orynbasary.
2016–2017 jyldary — QR Ūlttyq ekonomika ministrlıgı Öŋırlık saiasat, taldau jäne öŋırlerdı baǧalau departamentı direktorynyŋ orynbasary, keiın direktory.
2017–2019 jyldary — Pavlodar oblysy äkımınıŋ orynbasary.
2019 jyly QR İndustriia jäne infraqūrylymdyq damu ministrınıŋ keŋesşısı bolyp jūmys ıstedı.
2019–2023 jyldary — QR Prezidentı Äkımşılıgınıŋ Äleumettık-ekonomikalyq monitoring bölımı meŋgeruşısınıŋ orynbasary.
2023 jyldyŋ qyrküiegınen bastap qazırgı uaqytqa deiın QR Prezidentı Äkımşılıgınıŋ Äleumettık-ekonomikalyq saiasat bölımı meŋgeruşısınıŋ orynbasary qyzmetın atqardy.
