"Betimen ketken!" - Taldyqorǵanda qurbysyn aıaýsyz judyryqtaǵan qyz taǵy da jelini shýlatty

2205
Adyrna.kz Telegram
Qurbysyn judyryqtyń astyna alyp, jan daýysyn shyǵara tópelegen taldyqorǵandyq úsh qyzdyń ishindegi "basbuzary" taǵy jelini shýlatty. Bul joly júzine tik qaraǵan janǵa judyryǵyn ala júgiretin sotqar qyz er balaǵa soqtyǵyp, aqsha talap etken. Esterińizge sala keteıik, turǵyndar "betimen ketken" dep sanaǵan sotqar qyzdarǵa polıııa esh shara qoldanbaǵan edi, dep habarlaıdy "Adyrna"  ulttyq portaly. 
Áleýmettik jelide judyryǵyn ala júgiretin Qundyz esimdi jasóspirimge qatysty vıdeo tarady. Bul joly Qundyz ul balany soǵyp, aqsha talap etken.
- 3 qyz bolyp qurbysyna judyryq kezegen taldyqorǵandyq jasóspirimderdiń salǵan soıqany jalǵasyn taýyp jatyr. Bizge Qundyzdyń er balany tópelep, aqsha talap etip jatqanyn dáleldeıtin jańa vıdeo kelip tústi, - dep jazylǵan áleýmettik jeli paraqshasynda.
Jalǵandy jalpaǵynan basqan jetkinshekterge shara qoldanýdan qalys qalyp otyrǵandarǵa qatysty oqyrmandar tómendegideı pikir bildirdi:
-  Barlyq qyzmetkerler adam óltirgenin kútip otyrǵan shyǵar?! Esterińizge sala keteıik, Taldyqorǵanda úsh qyz jalǵyzdyń jan daýsyn shyǵaryp turyp judyryqtyń astyna salǵan bolatyn. Sol kezde Qundyz degen qyz qalyń kópshilikten ákesi janynda turyp keshirim suraǵan bolatyn. Al polıııa qyzmetkerlerimen júrgen vıdeolardyń barlyǵyn jeliden aldym degen bolatyn. Al biz sene salaıyq. Óz tiliderinde sóıleıtin bularǵa @zhetysu.police bir shara qoldanbasańyzdar bolmaıdy. Bul qyzdar qazir qaıda júr? Ne istep, nemen aınalysy júr? Barlyǵyn anyqtaý kerek! Sebebi, olar qoǵam úshin qaýipti! Erteń bireýdiń balasyn buzady.
- Mynaý bir termınator boldy ǵoı. Ana jigittiń batpaı turǵanyna qaraǵanda bir bandgrýppırovkanyń qyzy shyǵar.
-  Durys baıqaǵan sııaqtysyz. Mende solaı aıttym. Menińshe jigit əli jetse de taıaq jep qana qutylýdy maqsat tutqan sekildi. Múmkin bireýlerden yqty ma ıa bolmasa mynaǵan qarsy shyǵyp qol kóterse sybaılas adamdary túbine jetetinin túsinip tuıaq ta serippedi me eken?
- Beimen ketken! Bul rasynda da nege aıylyn jımaıdy? Demek bunyń bylyǵyn búrkemeleıtin bireýler bar, - dep jazdy oqyrmandar.
"Adyrna" ulttyq portaly
Pikirler