Belgili akter Shárip Serik atyshýly vıdeodan keıin iri medıakompanııanyń qara tizimine enip, polıııa tergeý júrgizip jatyr, dep habarlaıdy “Adyrna” ulttyq portaly.
Almaty qalalyq IID baspasóz qyzmeti Álııa Bóteevanyń áleýmettik jelidegi málimdemesi boıynsha tekserý júrgizilip jatqanyn habarlady.
"Oqıǵaǵa qatysty tergeý amaldary júrgizilýde. Oqıǵanyń bolǵan orny men ýaqytyn qosa alǵanda, obektıvti mán-jaılar anyqtalyp, Qazaqstan Respýblıkasynyń zańnamasyna sáıkes sharalar qabyldanatyn bolady", – delingen habarlamada.
Sondaı-aq, qazaqstandyq medıakompanııa Salem Entertainment komandasy akter Shárip Serikti qara tizimge engizgenin aıtty.
"Sońǵy oqıǵalarǵa baılanysty Salem Entertainment komandasy akter Shárip Serikti qara tizimge engizý jáne barlyq yntymaqtastyqty tolyǵymen toqtatý týraly sheshim qabyldady. Qazirgi ýaqytta buǵan deıin jarııalanǵan "Shakal" jobalary men "Qarǵa" serıalynyń úshinshi maýsymy toqtatyldy, sonymen qatar akter basty rólderdiń birin somdaýy tıis "Meow" serıalynyń ekinshi maýsymyna túspeıdi.Sonymen qatar, "Patrýl: Sońǵy buıryq" fılminiń komandasy prokatqa daıyndalyp jatqan fılmnen Shárip Serikke qatysty kórinisterdi alyp tastaý boıynsha belsendi jumys istep jatyr", – delingen habarlamada.
Aktermen barlyq kelisimsharttar buzyldy, dep qorytyndylady medıakompanııa.
Aıta ketsek, sáýirdiń 3-i kúni Almaty turǵyny Álııa Bóteeva jigiti Shárip Seriktiń ózine qarsy qol kótergenin aıtyp, dálel retinde vıdeo men fotony jarııalaǵanyn habarladyq.
