Saryaǵashta jantúrshigerli qylmysqa qatysty derekter paıda boldy. Múrdesi dárethanadan tabylǵan Asylymnyń ólimi jazataıym oqıǵa boomaǵany anyqtalyp otyr, dep habarlaıdy "Adyrna" ulttyq portaly Kyn.kz portalyna siltep.
Birneshe ýaqyt buryn 3 jasar Asylym joǵalyp ketken kezde búkil Saryaǵash aýdany aıaǵynan tik turyp balany izdeýge kirisken. Barlyq sý mańy men oı-qyrdy aralap izdegen quzyrly organ qyzdyń óli denesin kórshisiniń dárethanasynan tapqan.
Saraptama qorytyndysyna sáıkes, "búldirshindi eshkim azaptap óltirgen joq" degen qorytyndy jasaldy. Sol sátte qara jamylǵan otbasy qyzdarynyń denesin jer qoınyna tapsyrǵan.
Araǵa 1 aı salyp osyǵan uqsas jaǵdaı tirkelgen. Sirgeli aýylynda 5 jastaǵy Nuraı esimdi qyz bir ólimnen aman qaldy. Ony kórshiniń 17 jastaǵy qyzy azaptap, ájethana tesigine tastamaq bolǵan. Abyroı bolǵanda jasóspirimniń bul áreketin aýyl turǵyny kórip, kómekke júgiripti.
5 jastaǵy Nuraı qyzdyń arqasynan uryp, ózin tamaǵynan býyndyrǵanyn aıtqan.
2 aı boıy tergelgen boıjetken 3 jasar Asylymdy da ózi óltirgenin moıyndap, oqıǵany aıtyp bergen.
Aýyl turǵyndary kúdiktige aýyr jaza taǵaıyndaýdy suraıdy. Al qyzdyń densaýlyǵynda kináraty bar ne joǵy anyqtalyp, is órbip jatyr.
