Mädeniet jäne aqparat ministrı Aida Balaeva su tasqynyna qatysty jalǧan aqparat taratqandar turaly aitty, dep habarlaidy “Adyrna” ūlttyq portaly.
“Qazır elımızdegı su tasqynymen küres qarqyndy jürıp jatyr jäne onyŋ qaupı älı bäseŋdegen joq. Qarǧyn sumen küreske qoldaǧy barlyq küş pen rezerv, adam resursy men qajettı tehnikalar tügel jūmyldyryldy. Su basqan öŋırlerdıŋ tūrǧyndary, olarmen bırge jiyrma myŋnan astam volonter memlekettık organdarmen bırıgıp jūmys jasauda. Otandastarymyz auyzbırlık pen janaşyrlyq tanytyp, jūdyryqtai jūmylyp jatyr. Öz käsıbıne adal tötenşe jaǧdai qyzmetkerlerı, äskeri qyzmetşıler, ışkı ıster qyzmetkerlerı men memlekettık qyzmetşıler täulık boiy jūmys ısteude. Qazır ärbır adam, ärbır tehnika men eŋbek küşı öte maŋyzdy. Köp resursty qajet etetın osy bır qiyn sätte bız aqparat taratuda däl osyndai jüielı türde qimyldap, ülken jauapkerşılık tanytuymyz qajet”, - dedı ministr. Onyŋ aituynşa, apattar men su tasqyny turaly jalǧan habarlarǧa bailanysty qūtqaru brigadalarynyŋ jūmys küşı qajet emes jerlerge baǧyttalǧan jaǧdailar da boldy. Saldarynan eŋ qajettı uaqyt tekke kettı, resurstar paidasyz şyǧyn boldy. “Aqparat salasyna jürgızılgen monitoring barysynda bız jalǧan aqparat bolyp şyqqan 29 faktını anyqtadyq. Ol habarlamalardyŋ barlyǧy tiıstı tekseruden keiın uäkılettı organdar tarapynan şynaiy emes ekenı anyqtaldy. Jalǧan aqparattar köbıne messendjerler arqyly taralady. Eŋ köp taraǧan aqparattar qataryna bögetterdıŋ būzyluy, respublikalyq maŋyzy bar joldardy su basuy, su qoimalaryndaǧy, elektr stansiialaryndaǧy jäne basqa da strategiialyq obektılerdegı apattar, auyz sudyŋ lastanuy, evakuasiialau oryndary, qarajat jinau jäne töleu turaly jalǧan mälımetter jatady. Mäselen, Aqtöbedegı su qoimasy şliuzderın aşu turaly äleumettık jelıde jalǧan aqparat tarady. Ony keiın Aqtöbe oblysynyŋ äkımdıgı joqqa şyǧardy”, - dedı ol. Ministrdıŋ mälımetınşe, Qostanai oblysynyŋ äkımdıgı B.Mailin audanyndaǧy Aiat özenı arqyly ötetın köpırdıŋ bır bölıgınıŋ qūlauy, sondai-aq öŋırdegı mal qorymdaryn su basqany turaly habarlamany resmi türde terıstedı. “Osy faktıler boiynşa tötenşe jaǧdai qyzmetkerlerı sol jerlerge arnaiy barǧanymen, aqparattyŋ rastalmaǧanyn erekşe atap ötkım keledı. Basqa jerlerdegı şyn kömekke mūqtaj jandar kütıp otyratynyn, olardyŋ arasynda balalardyŋ bar boluy mümkın ekenın ūmytpaiyq. Densaulyq saqtau ministrlıgı de su basqan aumaqtarda jūqpaly aurulardyŋ örşu qaupı jäne epidemiologiialyq qyzmet tarapynan jaǧdaidy baqylaudyŋ jetkılıksızdıgı turaly jalǧan aqparat taraǧanyn mälımdep otyr. Tasqynnan zardap şekkenderge arnalǧan tölemder turaly da ädeiı jalǧan habarlamalar taratu ülken qauıp töndıredı. Soŋǧy künderı su tasqynynan zardap şekkenderge Memleket basşysy tarapynan uäde etıledı degen milliondaǧan dollar tölemderı, Premer-Ministr men Ükımet müşelerınıŋ atynan aqşalai qarajat jinau turaly jalǧan habarlamalar paida boldy. Mūndai aqparatqa senbeuge şaqyramyn. Alaiaqtar su tasqyny jaǧdaiyn özderınıŋ jeke maqsatyna paidalana bastady. Terıs niettıler qazaqstandyqtardyŋ jeke derekterı men qarjylyq resurstaryn ūrlau üşın internette «Tölemder üşın JSN-dı tekserıŋız», «3 million teŋgege deiın ötemaqy alu», «Memleketten mümkındıgınşe tezırek järdemaqy alu» degen siiaqty habarlamalar jariialaidy”, - dedı Balaeva. Onyŋ aituynşa, jarnamalaryn senımdı körsetu üşın qylmyskerler qazaqstandyq bankter men memlekettık mekemelerdıŋ atauyn paidalanady. Mysaly, Facebook, Instagram jäne Telegram jelılerınde Eŋbek jäne halyqty äleumettık qorǧau ministrlıgınıŋ ärtürlı banktermen bırlesıp töleitın tölemderı turaly habarlamalar jiı jariialanady. Sondai-aq, Qarjy ministrlıgı jaŋa qauly qabyldap, şyǧynnyŋ ornyn toltyryp jatyr eken degen jalǧan aqparat jür. Adamdardy jaŋylystyru üşın alaiaqtar är jazbanyŋ astyna alǧys sözderı bar bot pıkırlerın jazady. “Būl körıneu jalǧan habarlamalardyŋ barlyǧy memlekettık organdar arqyly jedel terıske şyǧarylyp, barlyq faktıler boiynşa qūqyq qorǧau organdaryna habarlamalar jıberıldı. Barlyq anyqtalǧan zaŋsyz faktılerge qūqyqtyq baǧa beru, jedel-ızdestıru jäne ıs jürgızu üşın materialdar qūqyq qorǧau organdaryna joldandy. Sondyqtan tek resmi jäne rastalǧan aqparatqa senıŋızder. Barlyq kümändı faktılerdı bırneşe ret tekserıŋız jäne kümändı habarlamalardy ary qarai taratpaŋyz! Esıŋızde bolsyn, barlyq jalǧan habarlamalardyŋ maqsaty - ürei tudyru, halyqty jıkke bölu, memlekettık qyzmetter men volonterlerdıŋ kelısılgen jūmysyn ūiymdastyrudy būzu jäne qarapaiym halyqtyŋ qaiǧy-qasıretın paidalanyp tez paida tabu. Sondai-aq su tasqyny men būzylǧan öŋırlerdı qalpyna keltıru şaralaryn obektivtı türde jariialap jürgen BAQ ökılderıne arnaiy alǧysymdy bıldırgım keledı”, - dep eskerttı ministr.Ūqsas jaŋalyqtar
