Túrkııadaǵy zilzaladan qaza tapqandar sany 35 418 adamǵa jetti. Bul týraly Túrkııa prezıdenti Rejep Taıyp Erdoǵan teleúndeý joldady, dep habarlaıdy “Adyrna” ulttyq portaly.
Anadoly agenttiginiń málimetinshe, jınalys Túrkııanyń Tótenshe jaǵdaı saldaryn joıý basqarmasynyń Ankaradaǵy shtab-páterinde ótti.
Aqparat boıynsha, jaraqat alǵan 13 208 adam aýrýhanalarda em alyp jatyr.
Sondaı-aq, túrik basshysy búkil álemniń sarapshylary Túrkııadaǵy jer silkinisin «aıryqsha tabıǵat qubylysy» dep ataǵanyn aıtyp ótti.
Prezıdent Erdoǵannyń sózinshe, apat aımaǵyndaǵy izdeý-qutqarý jáne basqa da jumystarǵa 250 myńǵa jýyq memlekettik qyzmetker tartylǵan. Ol zilzala qıratqan aýdandardaǵy izdeý-qutqarý jumystary úıindi astyndaǵy tiri adamdar aman shyǵarylǵanǵa deıin jalǵasatynyn atap ótti.
Erdoǵannyń aıtýynsha, kelesi aıda Túrkııa bıligi zilzaladan zardap shekkenderge arnalǵan 30 000 úıdiń qurylysyn bastaıdy. Qazirgi ýaqytta 1,6 mln adam baspanaǵa muqtaj.
«Apat aımaǵynda 175 myń palatka, 5,4 myń konteıner úlgisindegi úı ornatylǵan», dep atap ótti Erdoǵan.
Sondaı-aq, ol Túrkııa bıligi zilzala bolǵan aımaqtardyń bárinde jyl boıy sapasy joǵary ári adamdarǵa qaýipsiz turǵyn úılerdiń qurylysyn aıaqtaýdy josparlap otyr. Al apat aımaǵynda 28 myń túrik sarbazy kezekshilikte tur.
«Túrkııa ýaqyty boıynsha 15 aqpan, 20:00-de Túrkııa, Ázerbaıjan jáne Soltústik Kıprdegi Túrik Respýblıkasynda «Túrkııa – bir júrek» uranymen jer silkinisinen zardap shekkenderge kómek kórsetetin naýqan bolady», - dedi Rejep Erdoǵan.
