Juma kúni keshke Stambulda sońǵy on jyldaǵy eń iri narazylyq akııasy ótti, dep habarlaıdy “Adyrna” ulttyq portaly.
Myńdaǵan adam qala meri Ekrem Imamoǵlýnyń qamaýǵa alynýyna qarsylyq bildirip, kóshege shyqty. Oǵan «jemqorlyq» jáne «terrorıstik uıymdarǵa kómektesti» degen aıyp taǵylǵan. Osy is aıasynda 100-den astam adam, sonyń ishinde saıasatkerler, jýrnalıster jáne kásipkerler de qamaýǵa alyndy.
Túrkııa prezıdenti Rejep Taıyp Erdoǵan narazylyq tolqynyn qatań synǵa aldy. Ol juma kúni jasaǵan málimdemesinde úkimet «vandalızm men kóshe terroryna» jol bermeıtinin jáne qoǵamdyq tártiptiń buzylýyna qarsy turatynyn aıtty.
Qarsylyq sherýleri elde úshinshi kún qatarynan jalǵasýda. Stambuldaǵy narazylyq akııasynda sóz sóılegen Respýblıkalyq halyq partııasynyń (RNP) jetekshisi Ózgúr Ózel:
«Bul RNP-nyń mıtıngi emes, munda túrli partııa ókilderi jınalyp, Imamoǵlýǵa qoldaý bildirýde. Erdoǵan sot júıesin saıası qarý retinde paıdalanyp, Imamoǵlýǵa qysym kórsetkisi keledi, biraq biz buǵan jol bermeımiz», – dedi.
Degenmen, polıııa sherýshilerdi taratý úshin kózden jas aǵyzatyn gaz ben plastıkalyq oqtar qoldandy. Uqsas qaqtyǵystar Ankara men Izmırde de oryn aldy. Ishki ister mınıstri Alı Erlykaıa H áleýmettik jelisinde 97 sherýshiniń qamaýǵa alynǵanyn jáne ınternette zorlyq-zombylyqqa shaqyrdy degen kúdikpen 54 adamnyń ustalǵanyn habarlady. Qaqtyǵystar kezinde 16 polıeı jaraqat alǵan.
Ekrem Imamoǵlý ótken jyly ótken jergilikti saılaýda jeńiske jetip, ekinshi merzimge qaıta saılanǵan bolatyn. Bul – Erdoǵan bılikke kelgennen beri bıleýshi partııanyń el boıynsha alǵash ret jeńilis tabýy edi. Sarapshylar Imamoǵlýny 2028 jylǵy prezıdent saılaýynda Erdoǵannyń negizgi qarsylasy bolýy múmkin dep eseptegen.
RNP jeksenbi kúni partııa atynan prezıdenttikke úmitkerdi jarııalaıtynyn málimdedi. Búginde bul laýazymǵa basty úmitker – qamaýda otyrǵan Ekrem Imamoǵlý. Oǵan qoldaý bildirý úshin partııa el kóleminde sımvolıkalyq saılaý ótkizýdi jáne daýys berý jáshikterin ornalastyrýdy josparlap otyr.
