Qoǵam belsendisi Arman Shoraev, jýrnalıst Nurbek Bekbaý syndy azamattar bastamashy bolyp, qazaq halqy jylý jınaldy. Qarjyǵa úıshilerden kıiz úı alynyp, alystaǵy aǵaıynǵa jóneltildi. Baǵanaly boz úıimiz keshe Túrkııa topyraǵyna jetkizilip, Alash azamattary shańyraǵyn kóterdi, dep habarlaıdy "Adyrna" ulttyq portaly.
- Al qurmetti baýyrlarym, aǵa-ápkelerim: Sizderdiń qarajatpen jınalǵan kıiz úılerdi Túrkııaǵa aparý, qurastyrý úshin arnaıy tobym ushaqqa otyrdy. Kil saıdyń tasyndaı iriktelgen! Men keshe kelip aldym. Búgin qarsy alyp, osy toppen zilzaladan qıraǵan qalalar janyna boz úılerdi tigemiz. Oshaq ornatyp, qazanda as qaınatyp, bir týǵandarǵa bolysamyz, - dep jazdy Nurbek Bekbaý.
Sonymen qatar, avtor arnaıy vıdeo bólisti. Vıdeoda túrikterdiń qazaq sózin qaz-qalpynsha uǵyp turǵany baıqalady.
- Artyǵymen aıtý kúlli túriktekti jurtqa tán eken ǵoı. 30 kıiz úıdi 300 keldi, - deıdi. Bul qaraǵandylyq aǵaıynnyń boz úıleri. Erteń 84 kıiz úı kelýi kerek, - dedi jýrnalıst.
"Adyrna" ulttyq portaly
