Türkiia İran aumaǧynan ūşyrylyp, eldıŋ äue keŋıstıgıne baǧyttalǧan ballistikalyq zymyrandy atyp tüsırdı. Būl turaly ūlttyq qorǧanys ministrlıgı jazdy, dep habarlaidy «Adyrna» tılşısı.
Ministrlık mälımetınşe, zymyran İrak pen Siriianyŋ äue keŋıstıgı arqyly ötıp, keiın Şyǧys Jerorta teŋızınde ornalastyrylǧan NATO-nyŋ äue jäne zymyranǧa qarsy qorǧanys küşterı tarapynan joiylǧan.
Hatai provinsiiasy Diortiol audanyna tüsken bölşek ballistikalyq zymyrandy kökte joiu kezınde qoldanylǧan tosqauyl zymyranǧa tiesılı ekenı aityldy. Oqiǧa saldarynan qaza tapqandar men zardap şekkender joq.
Ankara Türkiianyŋ öz aumaǧy men äue keŋıstıgın qorǧau üşın barlyq qajettı şarany qabyldauǧa niettı ekenın atap öttı.
«Türkiia öŋırlık tūraqtylyq pen beibıtşılıktı qoldaidy. Alaida qauıp qai taraptan jäne qai jerden tönse de, memleketımız öz aumaǧy men azamattarynyŋ qauıpsızdıgın qamtamasyz etuge qauqarly. Jerımız ben äue keŋıstıgımızdı qorǧauǧa baǧyttalǧan kez kelgen qadam batyl ärı kıdırıssız jüzege asyrylady. Elımızge qarsy jasalǧan kez kelgen dūşpandyq äreketke jauap beru qūqyǧyn özımızde qaldyramyz», — delıngen Qorǧanys ministrlıgınıŋ mälımdemesınde.
Sondai-aq qūjatta Türkiianyŋ öŋırlık tūraqtylyq pen beibıtşılıktı saqtaudy qoldaityny, taraptardy şielenıstıŋ odan ärı uşyǧuyna äkeluı mümkın äreketterden bas tartuǧa şaqyratyny aitylǧan. Osy tūrǧyda el NATO jäne özge de odaqtastarymen keŋesudı jalǧastyrmaq.
