ء"بىر تۋعاندارعا بولىسامىز" - تۇركيادا الاش ازاماتتارى كيىز ءۇي تىگىپ جاتىر

3413
Adyrna.kz Telegram

قوعام بەلسەندىسى ارمان شوراەۆ، جۋرناليست نۇربەك بەكباۋ سىندى ازاماتتار باستاماشى بولىپ، قازاق حالقى جىلۋ جينالدى. قارجىعا ۇيشىلەردەن كيىز ءۇي الىنىپ، الىستاعى اعايىنعا جونەلتىلدى. باعانالى بوز ءۇيىمىز كەشە تۇركيا توپىراعىنا جەتكىزىلىپ، الاش ازاماتتارى شاڭىراعىن كوتەردى، دەپ حابارلايدى "ادىرنا" ۇلتتىق پورتالى. 

- ال قۇرمەتتى باۋىرلارىم، اعا-اپكەلەرىم: سىزدەردىڭ قاراجاتپەن جينالعان كيىز ۇيلەردى تۇركياعا اپارۋ، قۇراستىرۋ ءۇشىن ارنايى توبىم ۇشاققا وتىردى. كىل سايدىڭ تاسىنداي ىرىكتەلگەن! مەن كەشە كەلىپ الدىم. بۇگىن قارسى الىپ، وسى توپپەن ءزىلزالادان قيراعان قالالار جانىنا بوز ۇيلەردى تىگەمىز. وشاق ورناتىپ، قازاندا اس قايناتىپ، ءبىر تۋعاندارعا بولىسامىز، - دەپ جازدى نۇربەك بەكباۋ.
سونىمەن قاتار، اۆتور ارنايى ۆيدەو ءبولىستى. ۆيدەودا تۇرىكتەردىڭ قازاق ءسوزىن قاز-قالپىنشا ۇعىپ تۇرعانى بايقالادى.
- ارتىعىمەن ايتۋ كۇللى تۇرىكتەكتى جۇرتقا ءتان ەكەن عوي. 30 كيىز ءۇيدى 300 كەلدى، - دەيدى. بۇل قاراعاندىلىق اعايىننىڭ بوز ۇيلەرى. ەرتەڭ 84 كيىز ءۇي كەلۋى كەرەك، - دەدى  جۋرناليست.
"ادىرنا" ۇلتتىق پورتالى 
پىكىرلەر