Qazaqstan–Päkıstan sport ortalyǧy «Dostyq» saltanatty türde aşyldy. Būl şara QR Prezidentı Qasym-Jomart Toqaevtyŋ Päkıstanǧa memlekettık sapary aiasynda öttı.
2026 jylǧy 2–4 aqpan aralyǧynda İslamabad qalasynda Qazaqstan Respublikasy Turizm jäne sport ministrlıgınıŋ jäne Qazaqstan Respublikasynyŋ Toǧyzqūmalaq federasiiasynyŋ ökılderı Päkıstan İslam Respublikasyna jūmys saparymen bardy. Sapar Päkıstanǧa josparlanǧan memlekettık saparǧa daiyndyq aiasynda ūiymdastyryldy.
Sapardyŋ negızgı maqsaty – Qazaqstan men Päkıstan arasyndaǧy intellektualdyq sport türlerı, onyŋ ışınde toǧyzqūmalaqty halyqaralyq deŋgeide damytu, bırlesken bılım beru jäne sporttyq jobalardy ıske asyru, sondai-aq sporttyq diplomatiiany nyǧaitu boldy.
Delegasiia qūramy
Qazaqstan tarapynan saparǧa QR Turizm jäne sport vise-ministrı Rapikov Bauyrjan Serikbaiūly , ministrlık ökılderı, Qazaqstan Respublikasynyŋ Toǧyzqūmalaq federasiiasynyŋ basşylyǧy men jetekşı sportşylary qatysty.
Delegasiia qūramynda QR Toǧyzqūmalaq Federasiiasynyŋ prezidentı Äkım Tūrsyn, toǧyzqūmalaqtan 3 dürkın Älem chempiony Serık Aqtaev, QR Toǧyzqūmalaq federasiiasynyŋ atqaruşy direktory Azamat Qaldybaev jäne halyqaralyq därejedegı sport şeberlerı, ūlttyq ziiatkerlık sport türın nasihattauşy mamandar boldy.
Negızgı ıs-şaralar
3 aqpan künı İslamabad qalasyndaǧy Pakistan Sports Board bazasynda ornalasqan Qazaqstan–Päkıstan sport ortalyǧy «Dostyq» saltanatty türde aşyldy.
Aşylu räsımınde Qazaqstan Respublikasy men Päkıstan İslam Respublikasynyŋ memlekettık änūrandary oryndaldy. Päkıstannyŋ provinsiiaaralyq üilestıru jönındegı federaldy hatşysy jäne QR Turizm jäne sport vise-ministrı qūttyqtau söz söiledı. Osy jerde toǧyzqūmalaq pen şahmat synyptarynyŋ resmi tanystyrylymy öttı. Qazaqstandyq mamandar toǧyzqūmalaqtyŋ tarihy, erejelerı jäne halyqaralyq damu perspektivalary turaly baiandama jasady.
Sonymen qatar, Toǧyzqūmalaqtan 3 dürkın Älem chempiony Serık Aqtaev päkıstandyq sportşylar men jattyqtyruşylarǧa arnap şeberlık sabaǧyn ötkızdı. Sabaq barysynda oiynnyŋ strategiialyq erekşelıkterı, oqu-jattyǧu ädıstemelerı jäne halyqaralyq jarystarǧa daiyndyq täjıribesımen bölıstı.
Qūjattarǧa qol qoiu
Sapar barysynda intellektualdyq jäne ūlttyq sport türlerın damytuǧa baǧyttalǧan kelesı maŋyzdy qūjattarǧa qol qoiyldy.
Qazaqstan–Päkıstan «Dostyq» sport ortalyǧyn qūru turaly memorandum tüzıldı. Qazaqstan men Päkıstan arasyndaǧy 2026 jylǧa arnalǧan sporttyq ıs-şaralar jol kartasy, onyŋ ışınde toǧyzqūmalaq boiynşa bırlesken turnirler men oqu seminarlaryn ötkızu kelısıldı. Toǧyzqūmalaqty Päkıstan aumaǧynda damytuǧa baǧyttalǧan yntymaqtastyq jönındegı uaǧdalastyqtar jasaldy.
Mädeni baǧdarlama
Resmi ıs-şaralarmen qatar, delegasiia İslamabad qalasyndaǧy «Lok Virsa» halyqtyq mūra muzeiın jäne Päkıstan monumentın aralady. Päkıstandyq ärıptester tarapynan resmi qabyldaular men jūmys kezdesulerı ūiymdastyryldy.
Sapardyŋ maŋyzy
Būl sapar Qazaqstan men Päkıstan arasyndaǧy dostyq qarym-qatynasty nyǧaityp qana qoimai, toǧyzqūmalaqty halyqaralyq deŋgeide ılgerıletuge, bırlesken oqu-jattyǧu jiyndaryn, turnirler men bılım beru baǧdarlamalaryn ötkızuge jaŋa mümkındıkter aşty.
Qazaqstan Respublikasynyŋ Toǧyzqūmalaq federasiiasy üşın būl sapar ūlttyq ziiatkerlık sport türın Oŋtüstık Aziia aimaǧynda tanytu jolyndaǧy maŋyzdy qadam boldy.
