Sandar sóıleıdi: "1 mıllıonnan astam qazaqstandyq kedeılikte kún keship jatyr"

3470
Adyrna.kz Telegram

"Ranking.kz" portaly 2022 jylǵy úshinshi toqsanynyń qorytyndysyn shyǵardy. Saıtta  halyqtyń áleýmettik deńgeıi jáne turmysy tómenderdiń úlesi jarııalady. Ókinishke qaraı, sandar bizge jaqsy sóılemedi. Eń tómengi kúnkóris deńgeıinen de tabysy tómen úı sharýashylyqtarynyń sany artyp otyr. Olar bir jyl burynǵymen salystyrǵanda 4,5% ósip, 180,9 myńǵa jetti. Úı sharýashylyqtarynda turatyn 1 mln adam bar. Iaǵnı olardyń sany bir jyl burynǵydan 2,9%-ǵa kóp, dep habarlaıdy "Adyrna" ulttyq portaly.

Ranking.kz salystyrý úshin mynadaı derek keltirdi. Bir jyl burynǵy kezde elde dál osyndaı tómen tabysy bar 173,2 myń úı sharýashylyǵy (bir jylda 7,5% azaıǵan) bolǵan. Bıylǵy kórsetkish byltyrǵy kórsetkishten joǵary. Degenmen 2020 jylǵy "koronadaǵdarys" kezinde eń joǵary kórsetkishke jetken kezdegiden tómen (187,2 myń úı sharýashylyǵy).

Óńirler boıynsha tabysy eń tómengi kúnkóris deńgeıinen de tómen úı sharýashylyqtary Túrkistan oblysynda kóp. Olar - 25,4 myń. Bir jylda 1% azaıǵan. Sonymen birge kedeılik sheginen tómen turatyn halyq sany da osy óńirde qonystanǵan. Olar - 191,1 myń adam.

Túrkistan oblysynan keıin eń nashar kórsetkish Almatyǵa tán (15,9 myń úı sharýashylyǵy, bir jylda 3,1% azaıǵan). Keıingi qatar Shymkent (14,6 myń úı sharýashylyǵy, 26% kóbeıgen), Mańǵystaý (12,9 myń úı sharýashylyǵy, 21,3% kóbeıgen) jáne Aqmola (12,6 myń úı sharýashylyǵy, 28,7% kóbeıgen) oblystaryna tıesili.

"Ranking.kz"-tiń júrgizgen esebi 

Tabysy az úı sharýashylyqtarynyń sany az óńirler Ulytaý, Atyraý jáne Batys Qazaqstan oblystarynda tirkeldi.

"Adyrna" ulttyq portaly

Pikirler