"Ranking.kz" پورتالى 2022 جىلعى ءۇشىنشى توقسانىنىڭ قورىتىندىسىن شىعاردى. سايتتا حالىقتىڭ الەۋمەتتىك دەڭگەيى جانە تۇرمىسى تومەندەردىڭ ۇلەسى جاريالادى. وكىنىشكە قاراي، ساندار بىزگە جاقسى سويلەمەدى. ەڭ تومەنگى كۇنكورىس دەڭگەيىنەن دە تابىسى تومەن ءۇي شارۋاشىلىقتارىنىڭ سانى ارتىپ وتىر. ولار ءبىر جىل بۇرىنعىمەن سالىستىرعاندا 4,5% ءوسىپ، 180,9 مىڭعا جەتتى. ءۇي شارۋاشىلىقتارىندا تۇراتىن 1 ملن ادام بار. ياعني ولاردىڭ سانى ءبىر جىل بۇرىنعىدان 2,9%-عا كوپ، دەپ حابارلايدى "ادىرنا" ۇلتتىق پورتالى.
Ranking.kz سالىستىرۋ ءۇشىن مىناداي دەرەك كەلتىردى. ءبىر جىل بۇرىنعى كەزدە ەلدە ءدال وسىنداي تومەن تابىسى بار 173,2 مىڭ ءۇي شارۋاشىلىعى ء(بىر جىلدا 7,5% ازايعان) بولعان. بيىلعى كورسەتكىش بىلتىرعى كورسەتكىشتەن جوعارى. دەگەنمەن 2020 جىلعى "كوروناداعدارىس" كەزىندە ەڭ جوعارى كورسەتكىشكە جەتكەن كەزدەگىدەن تومەن (187,2 مىڭ ءۇي شارۋاشىلىعى).
وڭىرلەر بويىنشا تابىسى ەڭ تومەنگى كۇنكورىس دەڭگەيىنەن دە تومەن ءۇي شارۋاشىلىقتارى تۇركىستان وبلىسىندا كوپ. ولار - 25,4 مىڭ. ءبىر جىلدا 1% ازايعان. سونىمەن بىرگە كەدەيلىك شەگىنەن تومەن تۇراتىن حالىق سانى دا وسى وڭىردە قونىستانعان. ولار - 191,1 مىڭ ادام.
تۇركىستان وبلىسىنان كەيىن ەڭ ناشار كورسەتكىش الماتىعا ءتان (15,9 مىڭ ءۇي شارۋاشىلىعى، ءبىر جىلدا 3,1% ازايعان). كەيىنگى قاتار شىمكەنت (14,6 مىڭ ءۇي شارۋاشىلىعى، 26% كوبەيگەن), ماڭعىستاۋ (12,9 مىڭ ءۇي شارۋاشىلىعى، 21,3% كوبەيگەن) جانە اقمولا (12,6 مىڭ ءۇي شارۋاشىلىعى، 28,7% كوبەيگەن) وبلىستارىنا تيەسىلى.
"Ranking.kz"-ءتىڭ جۇرگىزگەن ەسەبى
تابىسى از ءۇي شارۋاشىلىقتارىنىڭ سانى از وڭىرلەر ۇلىتاۋ، اتىراۋ جانە باتىس قازاقستان وبلىستارىندا تىركەلدى.
"ادىرنا" ۇلتتىق پورتالى
