Jýrnalısterdi qoldaý qory quryldy. Bul týraly Habar agenttiginiń basqarma tóraǵasy Berik Ýálı málimdedi, dep habarlaıdy “Adyrna” ulttyq portaly.
«Bizdiń áriptester, tilshilerdiń tynymsyz tirshiligi týraly aıtqanda, birinshi kezekte Sheraǵańnyń qanatty sózi eske túsedi. Qaıtalap jatpaıyn, ony bárińiz de bilesizder. Rasynda, 1 jarym mınýttyq sıýjetke, bir tuymdy maqala men radıohabar úshin jýrnalıst kúni boıy tirnektep materıal jınaıdy, taraptardy tyńdaıdy, jan-jaqty málimet alady, t.b.. Sol jumystar kezinde jýrnalısten bólek kózge kórinbeıtin qanshama maman jumys isteıdi. Rejısser, operator, jaryq túsirýshi, montaj ınjeneri, grımıor, dybys rejıssery, dızaıner, bet qattaýshy, kontent-menedjer tipti kólik júrgizýshisine deıin efırge shyǵatyn tele-radıo ónimder men gazet, jýrnal, saıtta jaryq kóretin dúnıeniń ár mınýty, ár árpi úshin jan aıamaı jumys isteıdi. Bulardyń bári – bir sózben aıtqanda BAQ qyzmetkerleri.
Mine, sol BAQ salasynda aıanbaı eńbek etip júrgen áriptesterge aqjoltaı jańalyǵymdy jetkizgim keledi. Elordada «Jýrnalısterdi qoldaý qaıyrymdylyq qory» quryldy. Bul byltyr kóktemde bastalǵan jumys edi, jaqynda resmı tirkelip, qujatymyz qolymyzǵa tıdi», - dedi ol.
Qordyń jumysy az qamtylǵan otbasylardan shyqqan jas jýrnalısterdiń, jalǵyzbasty jáne kópbalaly jýrnalısterdiń materıaldyq jaǵdaıyn jaqsartýǵa, jas mamandardyń jumysqa ornalasýyna járdemdesýge, baspana máselesiniń sheshilýine yqpaldasýǵa jáne quqyqtyq kómek kórsetýge baǵyttalǵan.
«Sonymen qatar, atalǵan uıym jýrnalısterdiń bedelin arttyrý, kásibı-shyǵarmashylyq múddesin, avtorlyq jáne sabaqtas quqyqtaryn, ar-namysyn, iskerlik bedelin qorǵaý, eńbek, turmys jáne demalys jaǵdaılaryn jaqsartý, ardager jýrnalısterge tıisti deńgeıde qurmet kórsetý maqsatymen kásiptik odaqtarmen yntymaqtastyq ornatýdy da josparlap otyr.
Osy oraıda, alǵashqy qadamdar da jasaldy. Nátıjesin aldaǵy ýaqytta jarııa etemiz.
Áriptesterimizdiń qandaı da bir ótinishterin bilikti ardager jýrnalıster men qoǵam belsendilerinen qurylǵan arnaıy komıssııa qaraıtyn bolady.
Aldaǵy ýaqytta Uıymnyń jumysy týraly qosymsha habarlap otyratyn bolamyz», - dedi Berik Ýálı.
